Read Futuna-Aniwa FAKATASI KORINTHUS, 15 Bible Online

FAKATASI KORINTHUS, 15 - Futuna-Aniwa bible

FAKATASI KORINTHUS, 15

¹MA anoso avou koutucua iacoua ta fasao erefia aia avou nikova iacoua, aia acoua nakamo, ma ia aia acoua kotu.

²Ia aia ma kapare acoua, pe acoua kamentua taha avou nikova iacoua, pe acoua nifakarogroga ma sefua iateia.

³Ma avou nifakairo acoua fakatasi mokagi iotshi anea neitufwa avou, pe Kristo nimate keiioria tshote maganisa, hepe neiserea ia afasao tapu;

⁴Ma pe aia neitanumea, ma aia nimasike foci ia nopoge toru hepe neiserea i afasao tapu.

⁵Ma pe Sefas neicitia aia, ma wamurira ta twelv neicitia aia;

⁶Wamurira, neicitia aia etata erima huntret anoso ia tasi nopoge; o acre ta nontafa sore konofo ia tenei nopoge, kaia faru nimero mate.

⁷Wamurira, Jemes neicitia aia, ma wamurira iotshi apostolo neicitia aia.

⁸Ma wamuri iotshi avou neicitia aia, hepe tasi nifarere wamuri nopoge iateia.

⁹Ma avou ta sisi o ta apostolo, ma avou seerefia keitapa tasi apostolo, ianenei avou nisewa ta kalasia o Atua.

¹⁰Kaia ia ta karofa o Atua avou nofo hepe avou nofo, ma tshana karofa neitufwa avou setouwaki; kaia avou nivere sore kage acre iotshi; kaia jimra avou, kaia ta karofa o Atua aia neitufwa ia avou.

¹¹Ianenei pe avou mo acre hepe acitia kova, ma hepe acoua nifakarorogo.

¹²Ma pe Kristo ko kova pe aia nimasike ia acre nimate, tiaha faru o acoua koutucua pe ko jimra tagata nimate masike foci.

¹³Kaia pe tagata mate semasike foci, Kristo ko jimra masike;

¹⁴Ma pe Kristo semasike, tshome kova ko isa, ma tshoua fakarogrogo ko isa.

¹⁵Keine ma acitia nofo nokorefu o Atua, ianenei acitia nikova o Atua pe aia nitshicitshiakace Kristo, ma aia secitshiakace aia, pe tagata mate semasike.

¹⁶Ma pe tagata mate semasike, Kristo semasike;

¹⁷Ma pe Kristo semasike, tshou fakarogrogo ko isa, ma acoua nofo ia niawa amaganisa.

¹⁸Ma acre nimero ia Kristo, nikoto ia tiafi sore.

¹⁹Pe ia tenei mouri ana acitia nakamo nanacina ia Kristo, acitia nofo o tagatotshi ia aroto komy sore kagi tagatotshi.

²⁰Kaia melou ko Kristo nimasike ia acre nimate, ma aia ta fakatasi nofua mokagi o acre nimate.

²¹Ma pe ia tasi tane nimai ta mate, ia ta tane nimai foci ta masike ia acre nimate.

²²Ma hepe ia Atam iotshi mate, hepe ma ia Kristo kamna iotshi mouri.

²³Kaia iotshi tane ia tshana nopoge iateia, Kristo ta fakatasi nofua mokagi, ma nagimana acre tsha kristo ia taha nopoge aia nokomai.

²⁴Wamurira kamai ta kurava, ma aia nakatufwa ta vaka ia Atua, aia ta Mana; i taha nopoge aia nakanagi iraro iotshi afasao o fatoriki, ma iotshi sore, ma iotshi tomatua.

²⁵Kaia aia vere o Teriki sore i taha nopoge nakanagi iotshi feimacoua aia iraro tshana vai.

²⁶Ma aia ta feimacoua nofo wamuri iotshi aia niiauiai ko ta mate.

²⁷Ma aia nakanagi ane iotshi iraro tshana vai. Kaia roaia aia neitucua ane iotshi konofo iraro tshana avai, ane nei acitia keiro, aia ana nofo, aia neinagi ane iotshi iraro aia.

²⁸Ma wamuri ane iotshi konofo iraro aia, ta Nontariki ma konofo iraro aia neinagi ane iotshi iraro aia, pe Atua nofo iotshi ma ia iotshi.

²⁹Mo taha acre kamna nibaptiso ia tamate, pe tagata mate semasike foci? Tiaha acre nibaptiso ia acre nimate?

³⁰Ma tiaha acitia kotu itata takaroaia acitia iotshi our?

³¹Avou koutucua mukei ia niaua kabisa avou nakamo ia Kristo Iesu tshote Teriki, avou nokomate nopoge ma nopoge.

³²Pe wamuri magane o tagata avou nifetai ia aneiro ia Efesus, taha ioria iatavou pe ta mate semasike? erefisa acitia keina ma keinu, ma aratou acitia mate.

³³Fatshigeia tagata sekarasia acoua, afasao isa iauiai maganerefia.

³⁴Kuara ia magane totonu, ma seemna ane isa, ma faru sekeiro ta arapakou o Atua, avou fasao nei ia niaua koma.

³⁵Kaia faru atane katucua, konapecua tagata nimate tshicitshiakace? Ma ia taha notshino acre kamai?

³⁶Akoi koukali, anofua akoi, eipesia semouri vere, pe aia semate.

³⁷Ma taha akoi eipesia, akoi seeipesia ta nofua komai, kaia nofua ana o wit, mo ane foci nofua.

³⁸Kaia Atua tufwa aia ta notshino hepe aia acitiafakarafia, ma ia iotshi nofua niana notshino.

³⁹Iotshi konouri ko jimra tasi konouri, kaia tasi konouri konofo o tagata, ma tasi foci o apakasi ma, ma tasi foci o eika, ma tasi foci o amanu.

⁴⁰Hepera ma anotshino o anea ia taragi, ma anotshino o ania ia takere, kaia ta sore o aia ia taragi ko tasi, ma ta sore o acre wararonei ko sece.

⁴¹Konofo tasi sore o ta tara, ma tasi foci o ta tumrama, ma tasi foci sore o ta afatu, mo tasi ta fatu ko sece ia tasi foci fatu ia ta sore.

⁴²Hepe ma ta masike o acre nimate. Aia kopesia ia kamavevai, ma aia ko tshicitshiakace ia notshino sekasarofa.

⁴³Aia ko eipesia ia ioria o maganisa, aia ko masike ia ta sore; aia ko eipesia ia taru, aia ko tshicitshiakace ia tomatua.

⁴⁴Aia ko eipesia noaga o tagata, aia ko tshicitshiakace notshino o taragi. Notshino o tagata konofo, ma notshino o nokano konofo.

⁴⁵Ma hepe aia ko serea, Ta fakatasi Atam ko neimna tasi nokano komouri, ta Atam wamuri ko neimna ta nokano nokotufwa komouri.

⁴⁶Kaia ko jimra mokagi aia o ta nokano mouri, kaia tena hepe tshote; ma wamuri aia o ta nokano.

⁴⁷Ta fakatasi tane mokagi ko o fanua; ta fakerua tane ko ta Teriki nimai ia taragi.

⁴⁸Hepe aia o takere, hepe ma acre iotshi o takere; ma hepe aia komai ia taragi, hepe ma acreiotshi o taragi.

⁴⁹Ma hepe acitia amo ta noaga o aia o takere; hepe ma acitia kamo ta noaga o aia nimai ia taragi.

⁵⁰Ianenei anoso avou koutucua pe konouri ma toto sekofano wehe nofo sekosarofa.

⁵¹Koucitia, avou kamata iacoua ane funa. Acitiotshi sekomero mate kaia acitiotshi katafuri.

⁵²Ia ta (moment) nopito sisi, ia ta nokopoipoi o tasi foimata, ia ta tupu wamuri, mo ta tupu kafuia, ma ta mate kafutshiakace ma sekasirofa faci, ma acitiotshi katafuri.

⁵³Ma tenei komavevai makataka ia sesarofa, ma tenei ta nopoge kamate makataka ia sematemana,

⁵⁴Ma wamuri tenei kamavevai nakataka ia sesarofa, ma tenei taha nopoge mate nakataka ia semate foci, ia tera nopoge kamai ta fasao ko sereace. Ta mate ko furumea o aneamouri.

⁵⁵Kai mate wehe ko tshou taro? Kai terua o ta mate wehe ko tshou tomatua?

⁵⁶Ta taro o tamate ko maganisa; ma ta tomatua o amaganisa ko ta tafasao tapu.

⁵⁷Kaia athank ia Atua aia kotufwa acitia tomatua ia tshote Teriki Iesu Kristo.

⁵⁸Ianenei, tshaku nakacitiafakarafia anoso, nofo acoua mukei hepe akou, segapu ia avare o ta Teriki sore, ianei acoua keiro niaua avere ko jimra sefua ia ta Teriki.