Read Futuna-Aniwa FAKATASI KORINTHUS, 2 Bible Online

FAKATASI KORINTHUS, 2 - Futuna-Aniwa bible

FAKATASI KORINTHUS, 2

¹MA avou anoso, ia ta nopoge avou nimai iacoua, semai ia afasao sore erefisa ma o arapakou, nokoutucua iacoua ta fasao erefia o Atua.

²Ma avou acitiafakarafia sekeiro ane tasi o acoua, kaia Iesu Kristo ana, ma aia nimate ia terakou fakaravasia.

³Ma avou neinofo ia acoua ia taru, ma nimtacu, ma ia sore nokovirviri.

⁴Ma tshaku fasao ma tshaku nokova senofo ia afasao erefisa o arapakou o tagata ana, kaia ia ta avere sore o ta nokano ma ia tomatua;

⁵Pe niaua fakarogorogo sekotu ia arapakou o tagata, kaia ia ta tomatua o Atua.

⁶Kaia acitia koutucua arapakou ia acre kopeceni, kaia jimra ta arapakou o fenua wararonei, mo o ta fatoriki o tenei fanua wararonei pe sefuamana.

⁷Kaia acitia kofasao ta arapakou o Atua ia afasao kofuna, ta funa arapakou o Atua nifuna, aia Atua neinagi mukei mokagi aia neimna fanua wararonei ia ta kosore o acitia.

⁸Aia jimra tasi o ta fatoriki o tenei fanua wararonei nikeiro, ma pe acre nikeiro tenei, acre setucia ia terarakou fakaravasia ta Teriki o ta sore noneate.

⁹Kaia hepe aia neisereace, Foimata secitiamana, mo nontarega neirogona, mo aroto o tagatu mentua, aneamane Atua nakapenpena ia acre pe acitiafakarafia aia.

¹⁰Kaia Atua nakatacua acre ia acitia ia tshano Nokano; ma ta Nokano nokosara anea iotshi, keini ma ane mukei o Atua.

¹¹Ma taha tane nokeiro anea tsha tatane, kaia ta nokano o ta tatane aia konofo ia aia? hepe ma ta anea o Atua jimra tasi tane keiro, kaia ta Nokano o Atua.

¹²Melou acitia seamo ta nokano o ta fanua wararonei, kaia ta nokano neitufwa o Atua, pe acitia nakeiro ta anea mane neitufwa ana iacitia o Atua.

¹³Ane iotshira foci acitia sefasao ia afasao arapakou o tagata fakairo, kaia aia ta Nokano tapu fakairo nokofakarogeina anea o nokano ia anea o nokano.

¹⁴Kaia ta tane nofo ana seamo o Nokano o Atua; ma acre antiriari ia aia; ma aia taru keiro acre, ianenei acre koucitia ana ia ta nokano.

¹⁵Kaia aia konofo ia ta fakairo o ta nokano keiro ioria o ane iotshi, kaia aia kojimra ioria o tasi tane.

¹⁶Ma akai nikeiro ta fenagaro o ta Teriki, pe aia fakairo? Kaia acitia nakamo ta fenagaro o Kristo.