Read Futuna-Aniwa FAKATASI KORINTHUS, 3 Bible Online

FAKATASI KORINTHUS, 3 - Futuna-Aniwa bible

FAKATASI KORINTHUS, 3

¹MA avou anoso, sefasao acoua hepe tagata nofo ia ta nokano, kaia hepe ia tagata fenagarore nofo ia anea o fenua wararonei, hepe ia erecriki ia Kristo.

²Avou nafakeina acoua ia tou, ma jimra ia akai; ma acoua setomutua keiro keina aia, melou ma acoua setomatua.

³Ma ia nopoge nei ma fenagaroua nofo ia anea o fanua wararonei ma sekeiro totonu, ia ane nei faru nofo ia acoua koireiro faru foci, ma fiatu, ma avaia, arotoua hepe tagata o fanua pouri, ma roro hepe fakou ana.

⁴Ma inaia tasi koutucua avou o Paulo, ma ermepa avou o Apolos; acoua hepe tagata ana mo?

⁵Akai ko Paulo, ma akai ko Apolos, kaia afetshicou niarafia.

⁶Avou nakapopra, Apolos neiregea tavai iateia, kaia Atua neitufwa ta anohua.

⁷Ianenei aia nipopra ma aia nikoregiveia jimra sore, kaia Atua ana kosore ma nokotufwa ta anohua.

⁸Melou aia nipopra ma regiveia ko tasi ana, ma tasi ma sece iotshi tagata katufwa tshana ioria hepe tshana vere.

⁹Ma acitia Atua nokositu; acoua ta vere o Atua, acoua fakaturia o Atua.

¹⁰Hepe ta karofa o Atua aia kotufwa avou, hepe tasi arapakou teriki o fakaturia, avou nakanagi ta tave, ma sece fakaturia iluga aia. Kaia erefia iotshi tane fatshigeia taha aia fakaturi iluga aia.

¹¹Ma tasi foci tave jimra tasi foci tane kanagi, tenei ana ko nagi, aia ko Jesu Kristo.

¹²Ma pe tane tasi fakaturia ia tenei tave colt, selver, afatu erefisa fakamata sore, terarakou, tagaferi, rougafasao;

¹³Avere o tagatotshi kacitia; ma ta nopoge kafakarogeina aia, ianenei aia kafakairo taha ta vere o tagatotshi, ma ta tiafi kafakairo taha ta vere erefia mo isa.

¹⁴Pe tavere o tasi tane nofo aia fakaturia iluga aia, katufwa aia ta ioria.

¹⁵Pe tavere o tasi tane katugiace, tshana ioria o aia kojimra, kaia kapare aia ia aneamouri, hepe ia tiafi.

¹⁶Sekeiro acoua pe acoua tafare tapu o Atua, ma pe ta Nakano o Atua konofo ia acoua?

¹⁷Pe tane tasi iauiai ta fare tapu o Atua, aia Atua kaiauiai; ma ta fare tapu o Atua ko tapu, acoua ko tshane fare tapu.

¹⁸Erefia jimra tane tasi karasia aia. Pe tane tasi o acoua mentua ia tshana foimata pe aia arapakou i anea o tenei fanua, erefia aia nofo searapakou tano, pe aia nakamo arapakou mari.

¹⁹Ma ta arapakou o tenei fanua wararonei ko antereari ia Atua. Ma aia ko serea, aia amo acre arapakou ia niare feiva arapakou.

²⁰Ma foci ta Teriki nikeiro afenagaro o acre arapakou, pe acre nokano jimra.

²¹Ianenei erefia jimra tane tasi bisa sore ia fakou. Ma ane iotshi ko niaua.

²²Pe o Paulo, mo o Apolos, mo o Sefas, mo o fanua wararonei, mo o ta mouri, mo o ta mate, mo o anea nofo melou, mo o anea keimai; ane iotshra ko niaua;

²³Ma acoua tagata tsha Kristo, Ma Kristo ko o Atua.