Read Futuna-Aniwa FAKATASI KORINTHUS, 4 Bible Online

FAKATASI KORINTHUS, 4 - Futuna-Aniwa bible

FAKATASI KORINTHUS, 4

¹EREFIA tagata mentua o acime, hepe afetshicou nokofakairo o Kristo, ma afetshicou kova anea mane tufwa ia Atua.

²Ma erefia ta fetshicou keitufwa fatshigeia ane mane tsha faruke pe aia ko maganerefia mari ma totonu.

³Kaia ia avou aia ane sisi ana pe acou koutucua ioria o avou, mo o fakou ioria, keini avou sekoutucua ioria o avou.

⁴Ma avou sekeiro ane o avou, kaia tenei seemna avou erefia, kaia aia ioria avou ko ta Teriki.

⁵Ianenei sekoutucua ioria o ane tasi mokagi ta nopoge iateia, ta nopoge ta Teriki ko mai, aia kanage ia ta merama anea mane mune ia apouri, ma kafakariace afasao nifuna ia ta aroto, ma ia nopoge ra iotshi tane nakamo kabisa ia Atua.

⁶Ma ane iotshira Anoso, nakatufwa avou ma ia Apolos iacoua, pe fakairo acoua ia acimaua sementua o fakou sore kagi taha ko serea, pe jimra tasi o acoua mentua aia sore kagi faruke.

⁷Ma akoi emna akoi sece ia faruke? ma taha akoi nakamo pe setufwa akoi? ma pe neitufwa iatakoi ane ra, tisha kabisa iateia hepe aia setufwa iatakoi?

⁸Melou acoua kofonu, ia auta sore, acoua nakavere hepe fatoriki ia acime jimra; ma avou acitiafakarafia ia Atua pe acoua fatoriki, pe acime ma magane o teriki ia acoua.

⁹Ma avou mentua pe Atua nakanagi acime ta apostolo wamuri, hepe kanagi ia ta mate, ma acime komna keisara ia tagata iafanua, ma ia agelo ma ia fakou.

¹⁰Acime hepe antiriari ia Kristo, kaia acoua arapakou ia Kristo; acime taru, kaia acoua tomatua, acoua kosore, kaia nifeimacoua acime.

¹¹Ia tenei our ma acime tshitogi, ma komate tavai, ma konofo umege jimra, ma neitshi ferpacia, ma sekamo tasi none keinofo mukei iai.

¹²Ma vere ia tshome arima, nokosaciria acime, acime fasao erefia iacre, nokosewa acime, acime sefiatu.

¹³Nakofasosa acime isa, iacre acime fasao mugaro merino, acre emna acime hepe tapenu o iafanua, ma nofo hepe anea isa o iafanua wararonei ia nopoge nei ma.

¹⁴Avou seserea ane iotshira keimna acoua koma, kaia hepe tshaku nakacitiafakarafia untariki avou fakafotumana acoua.

¹⁵Mo pe acoua nakamo ten thousant tagata keifakairo ia Kristo, acoua seamo nalupai fatamana; ma ia Kristo avau nakamo acoua ia afasao erefia.

¹⁶Ianenei avou fakouia mukei acoua, komatu avou.

¹⁷Ianenei avou nikouna iacoua Timothius, aia ko tshaku nakacitia fakarafia tariki, ma maganerefia ia ta Teriki, aia kasitu acoua keimentua tshaku amagene acre nofo ia Kristo, hepe avou fakairo ia none iotshi ia iotshi akalasia.

¹⁸Melou aroto o faru komama sore, hepe avou semai iacoua.

¹⁹Kaia avou kamai iacoua taha nopoge itata, pe ta Teriki acitiafakarafia, ma sekeiro afasao o acre arotorea mama, kaia ta tomatua.

²⁰Ma ta vaka o Atua ko jimra i afasao, kaia ia tomatua.

²¹Taha acoua kacitiafakarafia? Avou kamai iacoua ia tererakou tshi, mo ia ta nokano o merino.