Read Futuna-Aniwa FAKATASI KORINTHUS, 5 Bible Online

FAKATASI KORINTHUS, 5 - Futuna-Aniwa bible

FAKATASI KORINTHUS, 5

¹AFASAO ko rogona o acoua, pe tasi o acoua tshigo afine tsha faruke, ma kotshigo isa sore kage magane o tagata o fanua pouri, pe tasi kamo nanahune o tshana tata.

²Ma arotoua mama mugaro iateia, ma setagi iateia, pe aia nimaganisara seamke ma touwaki watafa iacoua.

³Ma avou tamari hepe papai ia tshaku notshino, kaia itata iacoua ia nokano, nakatucua ioria o aia neimna magane pouri ra, hepe avou nofo ia acoua.

⁴Ia ta neigo o tshote teriki Iesu Kristo, acoua kafetacina, ma tshaku nokano, ia ta tomatua o tshote Teriki Iesu Kristo,

⁵Keitufwa ta tane ra ia Satana, ma keitakaroiai ta konouri, pe ta nokano keipare ia ta nopoge o ta Teriki Iesu.

⁶Tshoua kabisa ko isa. Sekeiro acoua pe fakasisi leven emna flou iotshi ia taganea keinace?

⁷Touwaki ma penpenace acoua o aleven ituai, pe acoua nofo tagata fou, hepe aleven jimra. Ma Kristo tshote kapare ko neitshi mate takavari iacitia;

⁸Ianenei acitia roro erefia ia ta tacripoga, jimra ia ta leven ituai, ma jimra ia ta leven o fakainina ma amaganisa, kaia ia ta bret leven jimra ia aia o magane totonu ma ta mari.

⁹Avou neiserea iacoua ia tasi tatapuria, pe acoua senofo itata acre tshigo tagata tsha faruke.

¹⁰Kaia jimra ia iotshi tagata o fanua wararonei tshigo fafine mo ta tane tsha faruke, mo ia acre keremoa ane tsha faruke, mo ia acre amo fakamata sore anea mane, mo ia acre mori ia tetua pouri, mo acoua feke watafa fanua wararonei.

¹¹Kaia melou nakaserea iacoua senofo itata hepe aia niaua nele, ia tasi tatane nitapa aia tasi noso pe aia tshigo fafine tsha faruke, mo keremoa tshaua ane, mo mori ia tetua mo saciria, mo numea ta vai kona, mo amo sore fakamata o anea, ia tasi tane hepera sekeina ia akai.

¹²Ma tiaha avou koutucua ioria o acre foci nofo watafa? Acoua foci koutucua ioria o acre nofo watakoro mo?

¹³Kaia acre konofo watafa Atua koutucua niare ioria, ianenei touwaki watafa acoua ta tane tera isa.