Read Futuna-Aniwa FAKATASI KORINTHUS, 6 Bible Online

FAKATASI KORINTHUS, 6 - Futuna-Aniwa bible

FAKATASI KORINTHUS, 6

¹SEKUMTACU acoua pe tasi fakainina ia magane o faruke, keifano mokagi tatane semagane totonu, pe aia koutucua ioria, ma sefano mokagi tagata o Iesu keitucua ioria?

²Sekeiro acoua mo pe tagata o Iesu katucua ioria o tagata o iafanua wararonei? ma pe acoua katucua ioria o iafanua pouri, acoua kotaru mo keiioria o anea mane sisi?

³Sekeiro acoua mo acitia katucua ioria o agelo? Ma sore kagi anea mane o tenei mouri?

⁴Ma pe acoua nakatucua ta ioria o anea o tenei mouri, acoua kanagi acre keitucua ioria pe ta kalasia secitiafakarafia.

⁵Avou koutucua tenei ia niaua koma. Tenei ko mari mo, pe ko jimra tasi tane arapakou o acoua? ko jimra tasi arapakou keitucua taha ta ioria totonu ia tasi ma sece o tshana anoso?

⁶Kaia noso fiatu tshana noso, ma mokagi acre sefakarogrogo.

⁷Ia tenei acou magane safi, ianenei acoua fiatu acoua mokagi tagata ioria. Tiaha acoua sore kagi seioria ane takaroiai arotoua? Tiaha acoua sore kagi amo ma seioria ane isa iacoua?

⁸Jimra, niaua magane ko safi, ma karasia, niaua anoso.

⁹Sekeiro acoua pe acre semagane totonu sekanofo ia ta vaka o Atua? Sekarasia acoua? jimra tagata tshigo fafine, mo tagata mori tetua o iafanua pouri, mo o acre tshigo fafine mo tatane tsha faruke, mo acre fasosa, mo magane hepe afine isa, mo magane hepera ia fakou,

¹⁰Mo acre tshigo, mo keremoa, mo kona ia akava ma, mo acre saciria, mo acre amo fakamata sore ana o anea, karoro watakoro ia ta vaka o Atua.

¹¹Ma mokagi faru o acoua neinofo hepera, kaia acoua nikoukou, kaia acou neipenpena ia ta Nokano, kaia acoua neinagi erefia ia ta neigo o ta Teriki Iesu, ma ia ta Nokano o tshote Atua.

¹²Ane iotshi ko mugaro iatavou, kaia ane iotshi jimra erefia melou iatavou; ane iotshi mugaro iatavou, kaia avou setorotshi iraro ta tomatua o tasi magane.

¹³Akai ia ta nonai ma ta nonai ia ta akai; kaia Atua takaroiai acrawa. Ma ta notshino sekonofo ia tshigo fafine tsha faruke, kaia ia ta avere o ta Teriki; ma ta Teriki ia ta notshino.

¹⁴Ma Atua neitshicitshiakace ta Teriki, ma foci aia katshicitshia acitia ia tshana tomatua.

¹⁵Sekeiro acoua pe niaua anotshino ko anuntafa o Kristo? tiaha avou kamo auuntafa o Kristo ma keinagi acre anuntafa o ta fene tshigo isa? Atua neitucuasana ra.

¹⁶Tiaha? sekeiro acoua pe aia ko tshigo ta fine isa ko tasi notshino? ma erua, aia neitucua ko tasi konouri.

¹⁷Kaia aia konofo ia ta Teriki ko tasi nokano.

¹⁸Fura papai tshigo fafine tsha faruke. Ane isa iotshi ta tane emna konofo watafa tshano notshino, kaia aia tshigo fafine ko maganisa iauiai tshana notshino.

¹⁹Tiaha? sekeiro acoua pe niaua notshino ko ta fare tapu o ta Nokano Tapu aia ko ia acoua, aia neitufwa acoua o Atua, ma acoua ko jimra niaua?

²⁰Ma aia nifakamata acoua ia ta ioria, ianenei maganerefia sore ia Atua ia niaua notshino, ma ia niaua nokano, ma acrawa tsha Atua.