Read Futuna-Aniwa FAKATASI KORINTHUS, 7 Bible Online

FAKATASI KORINTHUS, 7 - Futuna-Aniwa bible

FAKATASI KORINTHUS, 7

¹MA ia anea ra acoua neiserea tatapuria iatavou nifakouia o acre; aia ko erefia pe ta tane setofia ta fine.

²Kaia keitucuasana tshigo afine, erefia iotshi tane arafia tshana nanahune, ma erefia iotshi afene arafia tshana nonwane.

³Erefia ta nonwane maganerefia ia tshana nanahune, ma foci ta nanahune ia ta nonwane.

⁴Ta nanahune seamo tomatua o tshana notshino, kaia ta nonwane, ma hepera ta nonwane seamo tomatua o tshana notshino, kaia ta nanahune.

⁵Sekarasia acoua tasi foci, pesiace ia faru anopoge, pe acoua katufwa acoua ia keipare akai ma keimori, ma fetacina foci, pe Satana searafia acoua ia maganisa.

⁶Kaia avou koutucua tenei ana, ma jimra hepe aia koutucua avou koutucua.

⁷Ma avou acitiafakarafia pe tatane iotshi konofo hepe avou ana, kaia iotshi tane nakamo tshana arofa o Atua, tasi wamuri tenei, ma foci wamuri tera magane.

⁸Ianenei avou koutucua ia fafine sisi nofo ana, ma ia fafine niare nonwane mate ma acre nofo ana, aia ko erefia iacre pe acre nofo hepe avou,

⁹Kaia pe acre taru nofo ana, erefia acre kovaga fafine masike ia tafare mori, ma aia ko erefia sore kagi keiarafia fafine, ma jimra keikoura ia kerimoa.

¹⁰Ma ia acre niarafia afine ma nofo iateia, avou koutucua mukei ma jimra avou ana kaia ta Teriki erefia ta nanahune sefeke ma natshicina tshana nonwane;

¹¹Kaia pe aia feke natshicina tshana nonwane, erefia aia searafia tasi foci nonwane, mo fano foci ma nofo erefia ia tshana nonwane, ma neitucuasana ta nonwane keisegeake tshana nanahune.

¹²Kaia iacre foci avou fasao, jimra ta Teriki; pe tasi noso nakamo nanahune ma aia sefakarogrogo, kaia acitiafakarafia keinofo ia aia, erefia aia sesegeake aia.

¹³Ma ta fine niamo tshano nonwane pe aia sefakarogrogo, ma pe aia acitiafakarafia keinofo ia aia, erefia aia sefeke aia.

¹⁴Ma ta nonwane sefakarogrogo ko penpena erefia ia ta nanahune, ma ta nanahune sefakarogrogo ko penpena erefia ia ta nonwane, mo niana erecriki ko isa, kaia melou acre tapu erefia.

¹⁵Kaia pe aia sefakarogrogo feke erefia aia feke. Ta noso mo ta nokave sefousia mukei pe acre magane hepera, kaia Atua nakatapa acitia ia ta merino.

¹⁶Ma akoi nanahune sekeiro pe akoi arafia tshou nonwane ia Iesu. Mo akoi tane sekeiro pe akoi arafia tshou nanahune ia Iesu.

¹⁷Kaia hepe Atua nivaia ia tane iotshi, hepe ta Teriki nitapa tagatotshi, erefia aia fano hepera. Ma hepe nei avou fakairo mukei ia iotshi akalasia.

¹⁸Ko tase tane tapa ia segeakage? erefia jimra sesegeakage aia. Ko tasi ma tapa sesegeakage? erefia jimra segeakage aia.

¹⁹Segeakagi ko jimra erefisa sore, ma sesegeakagi jimra erefisa sore, kaia erefia ta maganerefia ia afasao o Atua.

²⁰Erefia iotshi tane nofo ia ta vere tshana mokagi neitapa aia.

²¹Akoi nitapa ia avere o ta fetshicou? erefia ra, kaia pe akoi keivetea maganerefia iateia.

²²Kaia aia kotapa ia ta Teriki, pe aia ko tasi fitshicou, ko ta fetshicou o ta Teriki, hepe ma aia kotapa sefousia aia ko ta fetshicou o Kristo.

²³Acoua nifakamata ia nomata sore; ma senofo acoua afetshicou o tagata.

²⁴Anoso erefia iotshi fakou, ia avere kotapa aia, nofo ia aia ia Atua.

²⁵Ma ia atamafine nofo ana Ihova setufwa avou fakairo mukei iateia, kaia avou tufwa taha ko tshaku mentua, hepe tasi nakamo ta karofa o ta Teriki keitucua erefia mari.

²⁶Ianenei avou mentua tenei ko erefia melou ia ane iauiai arotomea, avou koutucua aia ko erefia ta tane nofo ana.

²⁷Kaia pe akoi kofousia ia ta nanahune? sefakouia keivetea akoi. Pe akoi kovetea ia ta nanahune? sefatshigeia tasi nanahune.

²⁸Kaia pe akoi kovaga masike tafare mori arafia tasi, akoi semaganisa, ma pe tasi atamafine kovaga masike ia tasi tane aia semaganisa, kaia acre kamo amy ia ta konouri; kaia avou sefasao foci iacoua.

²⁹Kaia tenei avou koutucua, anoso, ta nopoge toru ana nofo, mokagi acre nakamo nanahune kanofo hepe niare jimra;

³⁰Ma acre tagi, hepe acre jimra tagi; ma acre kabisa hepe acre jimra kabisa; ma acre fakamata hepe acre jimra fakamata ane.

³¹Ma acre vere ia fanua wararonei, hepe seiauiai aia; ma ta magane o tenei fanua kosirice.

³²Kaia avou acitiafakarafia acoua keinofo ia aroto merino. Aia seamo nanahuna acitiafakarafia anea tsha ta Teriki, pe aia maganerefia ia ta Teriki;

³³Kaia aia ko arafia tasi fine fatshigeia anea o fanua wararonei, pe aia emna tshana nanahune kabisa iateia.

³⁴Ta nanahune ma ta fine nofo ane jimra hepe tasi ana. Ta fine nofo ana acitiafakarafia anea o Teriki pe aia nofo tapu ia notshino ma nokano; kaia aia ko vaga acitiafakarafia anea o fanua wararonei, pe emna tshana nonwane kabisa.

³⁵Ma tenei avou koutucua keisitu acoua, jimra pe avou nakanagi tasi emoa acoua, kaia ia ane erefia, ma pe acoua kavere ia ta Teriki ana.

³⁶Kaia pe tatane tasi mentua aia semagane totonu ia tshana fene niavaga, pe aia neinofo palo tari iateia, ma acitiafakarafia, aia emna hepe aia mentua erefia, aia semaganisa erefia kovaga masike.

³⁷Kaia aia nofo mukei ia tshana roto, ma secitiafakarafia ma natshicina, ma tomatua ia tshana fenagaro, ma mentua ia tshana roto aia nofo ana sekovaga tshana fine, aia emna erefia.

³⁸Hepera ma aia katufa aia ia fakavageina emna erefia, kaia aia setufwa aia ia fakavageina emna erefia sore kagi.

³⁹Ta nanahune ko fousia ia afasao tapu ia tshana nonwane iotshi nopoge aia komouri, kaia pe tshana nonwane komate, aia eivetea ma erefia aia arafia nonwane foci hepe aia acitiafakarafia, kaia ana ia ta Teriki.

⁴⁰Kaia aia koerefia pe aia konofo ana, hepe tshaku fakairo, ma foci avou mentua pe avou nakamo ta Nokano o Atua.