Read Futuna-Aniwa FAKATASI KORINTHUS, 8 Bible Online

FAKATASI KORINTHUS, 8 - Futuna-Aniwa bible

FAKATASI KORINTHUS, 8

¹MELOU avou serea taha ko erefia ia magane o anea ta kavari ia tetua pouri, acitia keiro pe acitiotshi nakeiro. Arapakou emna aroto mama, kaia acitiafakarafia ko asitu.

²Ma pe tasi tane mentua aia keiro ane, aia sekeiro ane tasi erefisa ana.

³Kaia pe tasi tane acitiafakarafia Atua, aia keiro o aia.

⁴Ta fakairo o nokokeina o anea nitakavari ia tetua pouri, acitia keiro pe tetua pouri sekeiro ane ia fanua wararonei, ma pe ko jimra sece Atua kaia tasi ana.

⁵Ma pe faru nofo nitapa acre tetua ia taragi mo iafanua, hepe acre nofo nalupai tetua, ma afatoriki nalupai.

⁶Kaia iacitia konofo tasi ana Atua, ta Mana, o aia anea iotshi konofo, ma acitia ia aia; ma tasi Teriki Iesu Kristo, ia aia anea iotshi neimna, ma acitia ia aia.

⁷Kaia tagatotshi sekeiro tenei, ma faru kumtacu tetua pouri ma keina ta takavari ia nopoge nei ma hepe neitufwa ia tase tetua; ma niare fenagaro nokotaru ko emna isa.

⁸Kaia akoi se seemna acitia erefia ia Atua; ma jimra pe acitia keina emna acitia erefia; ma pe sekeina emna acitia isa.

⁹Kaia fatshigeia pe niaua arapakou ia ane nei semna acre taru keitshipatshipa.

¹⁰Ma pe tasi tane koucitia akoi nakamo tenei arapakou nokonofo ia akai ia tafare o tetua pouri, tenei kamna ta fenagaro o aia kotaru tomatua keina anea akavari kotufwa ia tetua pouri.

¹¹Ma ia tshou arapakou takaroiai tshou taru noso, ma aia Kristo nimate iateia?

¹²Kaia pe acoua maganisa hepera ia anoso, ma taro niare taru fenagaro, acoua maganisa ia Kristo.

¹³Ianenei, pe akai emna tshaku noso emna magane safi, avou sekakeina konouri atou ma tou wararonei, kumtacu avou emna tshaku noso magane safi ia aia.