Read Futuna-Aniwa FAKARUA KORINTHUS, 1 Bible Online

FAKARUA KORINTHUS, 1 - Futuna-Aniwa bible

FAKARUA KORINTHUS, 1

¹PAULO tasi apostolo o Iesu Kristo ia ta fenagaro o Atua, ma Timotheus tshote noso, ia ta kalasia o Atua nokonofa ia Korinth, ia iotshi tagata o Iesu ia iotshi o Akaia.

²Karofa iacoua ma merino ia ta Atua ta Mana, ma ia Teriki Iesu Kristo

³Erefisa ko Atua, aia ta Mana o tshote Teriki Iesu Kristo, ta Mana o arofa ma ta Atua o iotshi kabisa.

⁴Aia emna acime kabisa ia anea takaroiai arotomea, pe acime tomatua asitu acre arotorea komy ia anea iauiai, ia anea emna acime kabisa ia Atua.

⁵Ma hepe ta nokomy o Kristo kosore ia acime, hepe ma ta kabisa tshote kosore ia Kristo.

⁶Ma pe anea iauiai arotamea, aia komai ia niaua kabisa ma anea mouri tou ma tou, aia ko emna tomatua ia aroto merino ia ane iauiai aroto ma iauiai arotomea; mo pe acime kabisa, aia ko emna acoua kabisa ma amo anea mouri atou ma tou.

⁷Ma tshome nanacina o acoua konofo mukei, nokeiro pe acoua amo faru o ta nokomy, hepe ma acoua kamo faru o ta kabisa.

⁸Ma acime secitiafakarafia anoso, pe acoua sekeiro ta sewa nimai iacime ia Esia, pe arotomea nimy sore su, itata tomatua jimra, ma acime mentua acime itata mate.

⁹Kaia acime mentua ia arotomea acime itata mate, pe sefakarogrongo ia acime, kaia ia Atua aia tshicitshiakace ta mate;

¹⁰Aia nipare acime ia ta sore mate, ma kopare, ia aia acime fakarogrogo pe aia kapare acime;

¹¹Acoua ma nokositu ia amori ia acime, pe ia ta karofa neitufwa acime ia asitu o tagata nalupai, athank kotufwa ia nalupai ia acime.

¹²Ma tshome kabisa ko tenei, fenagarome koutucua erefia, pe ia totonu magane ma ia tamari, jimra ia ta arapakou o konouri, kaia ia ta karofa o Atua, acime niamo tshome afasao ia fanua wararonei, ma sore kage iacoua.

¹³Ma acime sesere ane foci iacoua, kaia taha acoua tawa ma keiro, ma avou fakarogrogo acoua keiro ia ta nopoge wamuri.

¹⁴Hepe acoua foci koutucua ia nontafa, pe acime nofo niaua kabisa, hepe acoua ma konofo tshome ia ta nopoge o ta Teriki Iesu.

¹⁵Ma ia tenei fakarogrogo avou acitiafakarafia keimai iacoua mokagi, pe acoua nakamo tasi foci arofa;

¹⁶Ma keifeke acoua ia Masitonia, ma keimai foci feke Masitonia iacoua, ma o acoua keiarafia avou ia tshaku retu ia Juteia.

¹⁷Ianenei ia ta nopoge avou mentua hepera, avou nifasao ana momo anea avou nimentua, avou mentua hepe ta konouri mo, pe ia avou konofo keini keini, ma jimra jimra?

¹⁸Kaia hepe Atua ko mari, tshome fasao iacoua ko jimra keini ma jimra.

¹⁹Ma ta Nontariki o Atua Iesu Kristo, aia acime nikova iacoua, ia avou ma Selvenus ma Timotheius, ko jimra keini ma jimra, kaia ia aia neinofo keini.

²⁰Ma iotshi afatshipoge o Atua ia aia nofo keini, ma ia aia Amen, ia ta sore o Atua ia acime.

²¹Ma aia kanagi mukei acime ia acoua ia Kristo, ma nakamosia acitia ko Atua;

²²Aia foci ninage mukei acime, ma nakatufwa acitia ta asitu o ta Nokano ia arotomea.

²³Ma avou tapa Atua nokotamou iai ia tshaku nokano, pe keioria acoua, avou semai mokagi ia Korinth

²⁴Jimra ia ane nei acime nakamo tomatua emna acoua fakarogrogo, kaia acime kositu niaua kabisa, ma ia fakarogrogo acoua kotu.