Read Futuna-Aniwa FAKARUA KORINTHUS, 10 Bible Online

FAKARUA KORINTHUS, 10 - Futuna-Aniwa bible

FAKARUA KORINTHUS, 10

¹MELOU avou Paulo fakouia mukei acoua ia ta merino ma maganerefisa o Kristo, avou nofo mokagi acoua ko sisi, kaia nokonofo papai avou tomatua iacoua;

²Kaia avou fakouia mukei, pe ia taha nopoge avou komai iacoua avou seioria ia tomatua, ia aia avou mentua ioria faru, acre mentua o acime hepe acime niroro ia ta magane. O ta konouri.

³Ma pe acime roro ia ta konouri, acime sefiatu hepe ta konouri.

⁴Ma ta aneamane o tshome tatoua ko jimra o ta konouri, kaia tomatua ia Atua keitouwaki iraro anea mane tomatua.

⁵Nokofakarerece afasao o afenagaro, ma iotshi ane sore pe fiatu ta nokeiro o Atua, ma arafia mai iraro iotshi fasao o fenagaro keifakarogona afasao ma maganerefia ia Kristo.

⁶Ma nakamo tomatua meloua keiioria iotshi maganisa, ia nopoge niaua maganerefia kurava.

⁷Tiaha acoua koutcitia anea wamuri magane neicitia watafa? Pe tasi tane fakarogrogo aia tsha Kristo, erefia aia o aia kamentua foci, pe aia ko tsha Kristo, hepe ma acime tsha Kristo.

⁸Ma pe avou fasao sore kagi o tshome tomatua, ta Teriki nakatufwa acime keifakairo, ma jimra ia takaroiai acoua, avou sekoma;

⁹Pe avou jimra hepe avou emna acoua kumtacu sore ia atatapuria.

¹⁰Ma tshana atatapuria, acre neitucua, ko mafa ma tomatua sore; kaia tshana notshino ko taru, ma tshanafasao ko tarusa.

¹¹Erefia tasi hepe nei mentua tenei, pe hepe acime nofo ia afasao ia atatapuria ia nopoge acime papai, acime kamna hepe ma ia vere ia ta nopoge acime nofo ia acoua.

¹²Ma acime kumtacu emna acime o acre, mo koutucua acime egata tasi ia faru pe koutucua acre erefia, kaia acre egata tasi ia acre, ma fakarogeina acre hepe acre, ko jimra arapakou.

¹³Kaia acime sefasao sore o anea sore kage tshome fakatagasia, kaia hepe ta karofa o tafasao tapu Atua neitufwa acime, tasi karofa palo fano ia acoua.

¹⁴Ma acime setorotshi acime watafa tshome karafa, hepe acime sesakace ia acoua, ma acime komai hepe ia acoua foci ia nokova ta fasao erefia o Kristo;

¹⁵Sefasao sore o ane watafa tshome karafa, pe ko o avere o faru foci tagata; kaia nakamo nanacina, ia nopoge niaua nafakarogrogo ko sore, pe acime kasore ia acoua hepe tshome karafa fakasore,

¹⁶Keikova ta fasao erefia ia iafanua nofokagi acoua, ma jimra fasao sore ia avere o faru foce tagata neimna kafakana ia tshome arima.

¹⁷Kaia aia kabisa sore, erefia aia kabisa sore ia ta Teriki.

¹⁸Ma jimra aia fasao sore o aia ko erefia, kaia aia ta Teriki fasao erefia iateia.