Read Futuna-Aniwa FAKARUA KORINTHUS, 12 Bible Online

FAKARUA KORINTHUS, 12 - Futuna-Aniwa bible

FAKARUA KORINTHUS, 12

¹AIA seerefia iatavou keifasao sore. Avou kamai ia anea nakacitia ma neitufwa avou ia ta Teriki.

²Avou nikeiro tasi tane Kristo fourtin atou nisirice wamurira (pe ia notshino, mo watafa ta notshino, avou puspusi, Atua keiro); tera tane torotshia iluga ia ta fakatoru taragi.

³Avou nikeiro tatane ra (pe ia ta notshino, mo watafa ta notshino, avou puspusi; Atua keiro);

⁴Aia nitorotshia iluga watakoro paradise, ma neirogona afasao sekoutucua, acre ko itapu ta tane koutucua.

⁵O ta tane ra avou kabisa; kaia o avou avou sekabisa, kaia ia tshaku ataru.

⁶Ma pe avou acitiafakarafia keibisa ia fasao sore, avou sekoukali, ma avou koutucua tamari, kaia melou avou natshicina, pe tasi tane sementua o avou sore kagi iluga aia koucitia avou nofo, mo pe aia fakarogona o avou.

⁷Ma pe tshaku roto sekonace sore su ia ta sore kagi anea neitufwa iatavou, iai neitufwa iatavou tasi tasone ia ta konouri, tasi nikouna ia Satana keiferpacia avou, pe avou sekonace iluga sore su.

⁸Ma ia tenei ane avou nimori ta Teriki fakatoru pe aia amke aia keifeke avou.

⁹Ma aia neitucua iatavou, Tshaku karofa ko sore iatakoi, ma tshaku tomatua ko erefisa ia ataru. Ianenei avou kabisa sore ia tshaku ataru, pe ta tomatua o Kristo nakonofo iluga avou.

¹⁰Ianenei avou kabisa ia ataru, ia asaciria, ia akai ma jimra, ia asewa, ia ane iauiai aroto ia Kristo, ma pe avou kotaru, avou tomatua ma.

¹¹Avou koukali ia afasao sore; acoua emna avou hepera; ma erefia acou fasao erefia o avou, ma avou jimra ia ane tasi sisi o ta sore su o ta apostolo, kaia avou sisi.

¹²Tamari ta avere o tasi apostolo neimna mokagi acoua ia avou ia iotshi merino, ia anea sore ma masaro, ma ia avere tomatua sore su.

¹³Ma ia taha acoua sefakatagasia ia akalasia iotshi, pe ia ane nei ana avou jimra amo niaua akai ma? natshicina fakainina avou ia ane safi nei.

¹⁴Koucitia, tenei fakatoru nopoge avou kofakana keimai iacoua; ma avou seamo niaua akai ma; ma avou senogia niaua anea, kaia acoua; ma ta erecriki sefakatapuria anea ia ta mana ma nana, kaia ta mana ma nana ia ta erecriki.

¹⁵Ma avou kabisa sore keiioria ma keivere iucoua, pe ta sore kagi avou acitiafakarafia acou, ta sisi acoua acitiafakarafia avou.

¹⁶Kaia pe hepera, avou seamo niaua akai ma, kaia ia arapakou, avou amo acoua ia arapakou.

¹⁷Taha avou niamo o niaua ia tasi o acre avou nikouna iacoua?

¹⁸Avou nikouna Taitus, ma ia aia avou nikouna tasi noso. Taha Taitus niamo o niaua? acimawa niroro ia tasi nokano mo? Acimawa niroro ia tasi anogau?

¹⁹Ma foci, kamentua acoua acime tagi ia niome magane iacona? acime kofasao mokagi Atua ia Kristo, pe acime emna ane iotshi, nakacitiafakarafia sore keifakairo acoua.

²⁰Ma avou kumtacu, pe ia nopoge avou komai, avou secitia acoua hepe avou acitiafakarafia, ma pe avou kacitia avou hepe acoua secitiafakarafik, pe fiatu mai, ma fakainina, feimacoua, afasao gugu, nognusgnusu, akavaro o fiatu.

²¹Ma pe ia nopoge avou kamai foci, tshaku Atua emna avou katagi ia acoua, ma pe avou kamakuru nalupai melou nimaganisa, ma setagi ma natshicina niare maganisa, pacu, tshigo tagata tsha faruke, ma magane hepera acre neimna.