Read Futuna-Aniwa FAKARUA KORINTHUS, 13 Bible Online

FAKARUA KORINTHUS, 13 - Futuna-Aniwa bible

FAKARUA KORINTHUS, 13

¹TENEI fakatoru nopoge avou nokomai iacona. Ia tafasao ia rogoutu o erua mo toru tagata katamousa iai iotshi afasao kanagi mukei tamari.

²Avou neitucua iacoua mokagi, ma melou koutucua fasi iacoua mokage, hepe avou nofo ia acoua, ta nopoge fakarua; mo nokonofo papai melou avou serea iacre mokagi nimaganisa, ma ia iotshi afaruki, pe avou komia foci, avou senatshicina ioria;

³Pe acoua nifakouia keicitia tasi ane keifakairo Kristo nokofasao ia avou, tera ia acoua sekotaru, kaia tomatua sore ia acoua.

⁴Ma pe aia neitucia ia terarakou ia taru, kaia aia komouri ia ta tomatua o Atua. Ma acime foci kotaru ia aia, kaia acime kamouri ia aia, ia ta tomotua o Atua ia acoua.

⁵Fatshigeia niaua amagane, pe acoua konofo ia ta fakarogrogo; ma keiro tamari arotoua. Sekeiro acoua niaua roro, pe Iesu Kristo ko nofo ia niaua roto, pe acoua jimra tagata isa?

⁶Kaia avou fakarogrogo acoua kakeiro acime jimra isa.

⁷Melou avou mori Atua pe acoua semaganisa, jimra pe acime konofo hepe erefia, kaia pe acou emna anea totonu setshigo, pe acime nofo hepe isa.

⁸Ma acime seemna ane keitakaroiai ta mori, kaia ia tamari.

⁹Ma acime kabisa pe acime taru, ma acoua tomatua; ma tenei foce acime acitiafakarafia, pe acoua erefisa sore.

¹⁰Ianenei avou serea ane iotshira nokonofo papai, pe ia nopoge avou nofo iacoua avou sesacirira acoua, hepe ia ta tomatua ta Teriki neitufwa avou ia fakairo ma, jimra ia ta karoiai.

¹¹Kurava, anoso, alofa, emna maganerefia totonu, nofo ia tasi fenagaro, nofo ia merino, ma ta Atua o acitiafakarafia ma merino kanofo ia acoua.

¹²Alofa tasi ma faruke ia ta soge tapu.

¹³Iotshi tagata o Iesu alofa acoua.

¹⁴Ta karofa o ta Teriki Iesu Kristo, ma ta acitiafakarafia o Atua, ma ta karofa asitu o ta Nokano Tapu, konofo ia acoua iotshi. Amen.