Read Futuna-Aniwa FAKARUA KORINTHUS, 2 Bible Online

FAKARUA KORINTHUS, 2 - Futuna-Aniwa bible

FAKARUA KORINTHUS, 2

¹KAIA avou mentua mukei ia kuroto, pe avou semai foci iacoua ia aroto nokomy,

²Mo pe avou emna acoua kotagi, akai emna avou kabisa, kaia aia neimna kotagi ia avou?

³Ma avou neiserea tenei iacoua, pe ia taha nopoge avou komai, avou nakamo aroto tagi ia acre, erefia emna avou kabisa, nikamo fakarogrogo ia acoua iotshi, pe tshaku kabisa ko ta kabisa o acoua iotshi.

⁴Ma ia kuroto my sore ma tagi sa avou neiserea iacoua ia nalupai noreimata; jimra keimna arotoua kotagi, kaia pe acoua nakeiro ta acitiafakarafia sore avou nakamo iacoua.

⁵Kaia pe faru neimna aroto tagi, aia seimna avou tagi ana, kaia ia acoua, pe avou sekoutucua acoua iotshi isa.

⁶Totonu ia tatane ra ta ioria nei neitufwa ia tagata nalupai.

⁷Hepe erefia ma acoua touwaki fakainina iateia, ma alofo aia, pe aia sefurumea ia aroto tagi sore su.

⁸Ianenei avou fakouia mukei acoua pe acoua tufwa foci aia niaua acitiafakarafia.

⁹Ma ia ane nei avou neiserea iacoua, pe avou koucitia magane tshoua, pe acoua fakarogona ma magane totonu ia ane iotshi.

¹⁰Ia aia acoua touwaki ioria o amagane safi, avou foci touwaki ioria ma, ma pe avou touwaki fakainina ia ane, ia aia avou towaki ioria o aia, iatacoua avou towaki aia ia ta notshino o Kristo;

¹¹Kumtacu pe Satana takaroiai acitia, ma acitia keiro tshana magane o Karasia.

¹²Ma aia nopogera avou nimai ia Troas keikova afasao erefia o Kristo, ma tasi tafeitoca nitshiki iatavou o ta Teriki.

¹³Avou segapu ia tshaku nokano, ianenei avou secitia iai Taitus tshaku noso, kaia avou nifeke acre ma fano ia Masitonia.

¹⁴Melou athank ia Atua, aia emna acitia segapu kabisa ia Kristo ma emna tagata kamata ta erefisa o tshana arapakou ia acitia ia iotshi anone.

¹⁵Ma acime konofo ia Atua ta konamu erefia ia Kristo ia acre amo anea mouri, ma ia acre isa towaki;

¹⁶Ia ta tasi acime ta kapare o ta mate ia tamate, ma ia ta foci ta kapare o ta mouri ia ta mouri. Ma akoi ko tomatua ia ane iotshira?

¹⁷Ma acime jimra hepe nalupai, acre takaroiai tafasao o Atua; kaia hepe o tamari, hepe o Atua, emoa ta foimata o Atua, acime kofasao ia Kristo.