Read Futuna-Aniwa FAKARUA KORINTHUS, 3 Bible Online

FAKARUA KORINTHUS, 3 - Futuna-Aniwa bible

FAKARUA KORINTHUS, 3

¹TIAHA acime neikamata foci koutucua iacona tshome magane? mo hepe faru foci amo tatapuria keifakairo acoua tshome magane, mo tatapuria tshoua fakairo tagata o acime?

²Acoua tshome tatapuria neiserea ia arotomea, nikeiro ma nitawa o tagatotshi;

³I ane nei niaua magane fakairo iotshi pe acoua nofo tatapuria o Kristo neiserea ia acime, seserea ia avai ouri, kaia ia ta Nokano o ta Atua mouri, jimra ia afatu, kaia ia ta konouri o ta aroto.

⁴Ma tenei sore fakarogrogo acime nakamo ia Kristo ia Atua.

⁵Jimra hepe acime tomatua o acime keimentua tasi ane o acime ana, kaia tshome tomatua ko o Atua.

⁶Aia foci neimna acime afetshicou tomatua o tafasao tapu fou; jimra o tatapuria ana kaia o ta nokano, ma ta tatapuria kotaia mate, kaia ta nokano tufwa mouri.

⁷Kaia pe ta vere o ta mate, neiserea ia afatu nimai ia ta sore noneate, pe tagata o Isreil setomatua keicitia ia ta foimata o Moses ma ta noneate o tshana foimata, ta noneata ra kosirice.

⁸Tiaha ta vere o ta nokano kanagi ia noneate sore kagi?

⁹Ma pe ta vere o fakairo tagata acre isa ana ko sore, sore kagi ta vere o ioria totonu iateia ko sore.

¹⁰Ma anera neimna sore sekosore ia ane nei, aia sisi ia ta sore noneate wamuri erefisa ana.

¹¹Ma pe tera nisiri kobune nisore, sore kagi ane konofo ko sore su.

¹²Nokoucitia pe acime nakamo tenei nanacina, acime sore koutucua totonu.

¹³Ma Jimra hepe Moses aia neinage tumega niapotshia tshana foimata, pe tagata Isreil setomatua keicitia totonu ia ta kurava o tera ko touwaki.

¹⁴Kaia fenagarorea nipouri; ma ia nopoge nei tera tumega niapotshi konofo ma seamke ia ta nokotawa o ituai tafasao tapu, ta tumega ra ko amke ia Kristo.

¹⁵Kaia ia nopoge nei ma, pe afasao o Moses ko tawa, ta tumega niapotshia ko nofo ia niare roto.

¹⁶Kaia ia nopoge niare roto katafuri ia ta Teriki, ta tumega niapotshia kamke.

¹⁷Ma ta Teriki ko tera nokano; ma wehe ta nokano o ta Teriki konofo acre nokoragragi.

¹⁸Kaia acitiotshi, ia foimata seapotshia nokoucitia hepe ia tatshiroga ta sore noneate o ta Teriki, kotafuri ia ta tera noata ia sore ia ta sore su, hepe ia ta vere o ta nokano o ta Teriki.