Read Futuna-Aniwa FAKARUA KORINTHUS, 5 Bible Online

FAKARUA KORINTHUS, 5 - Futuna-Aniwa bible

FAKARUA KORINTHUS, 5

¹MA acitia keiro pe tshote tafare o tenei notshino kosarofa, acitia nakamo tasi fakatapuria o Atua tasi fare seneimna ia arimore, nofo atou ma tou ia taragi.

²Ma ia tenei acitia nokogu, acitiafakarafia sore keitaka ia tshote fare aia kofanifo ia tragi;

³Pe kataka hepera, acitia senofo umega jimra.

⁴Ma acitia konofo ia tenei notshino nokogu, ia tshipeina mafa, jimra pe acitia acitiafakarafia keitowaki umega, kaia nitaka erefia pe ta mate neifurumea o amouri.

⁵Ma aia neipenpena acitia ia ane nei, aia ko Atua, aia foci nakatufwa acitia melou ta ioria mokagi o ta nokano.

⁶Ianenei nopoge ma nopoge acitia sumtacu, nokeiro acitia nofo ecunei ia ta notshino acitia papai ia ta Teriki.

⁷Mo acitia roro ia fakarogrogo, jimra ia kamata.

⁸Acitia sumtacu, ma avou koutucua acitiafakarafia sore keifeke ta notshino, ma keinofo ia ta Teriki.

⁹Ianenei acitia vere, pe icunei mo papai aia karofa acitia.

¹⁰Ma acitiotshi kafakatapuria emoa ta ane Kristo koike iai koutucua ioria, pe tagatotshi aia ioria tasi ma sece iotshi hepe anea neimna ia tshana notshino, hepe aia nimaganerefia erefisa mo maganisa.

¹¹Nokeiro ma ta kumtacu o ta Teriki, acime fasao mukei ia tagata; kaia Atua koucitia acitia, ma foci avou nanacina ia niaua afenagaro.

¹²Ma acime sefasao foci o acime ia acoua, kaia tufwa acou kabisa iacime, pe acoua amo anea koutucua ia acre kabisa ia anea koucitia watafa ana, ma jimra ia aroto.

¹³Ma pe acime nofo koukali aia ko ia Atua, mo pe acime nofo ana aia ko iacoua.

¹⁴Ma ta acitiafakarafia o Kristo torotshi acitia; ianenei acime keiro, pe tasi nimate ma ta ioria o iotshi fakairo iotshi nimate.

¹⁵Ma aia nimate ioria o iotshi, pe acre mouri, semouri wamumira ia niare amagane, kaia ia aia nimate ia acre, ma nimasike foci.

¹⁶Iananei wamurira acime sekeiro tasi tane wamuri ta konouri, keini pe acime nakeiro Kristo wamuri ta konouri, kaia wamuri nei acitia sekeiro aia foci.

¹⁷Ianenei pe tasi tane nofo ia Kristo, aia ko tane fou; anea mane ituai nisiri, ma koucitia iateia ane iotshi komai fou.

¹⁸Ma ane iotshi komai o Atua, aia niarafia acitia ia aia ia Iesu Kristo, ma nakatufwa acitia ta avere o arafia iotshi tagata.

¹⁹Tenei, pe Atua ia Kristo ko nokarafia tagata o iafanua ia aia, senage niare maganisa ia acre keiioria, ma nakatufwa acitia ta fasao o arafia acre ia aia.

²⁰Melou ma acime nikouna ia Kristo, hepe Atua nifakouia mukei acoua ia acime; acime fakouia mukei acoua ia Kristo, keicitiafakarafia ma keivere ia Atua.

²¹Ma aia neimna aia Iesu hepe isa iacitia, ma aia semaganisa, pe emna acitia ta vere totonu o Atua ia aia.