Read Futuna-Aniwa FAKARUA KORINTHUS, 6 Bible Online

FAKARUA KORINTHUS, 6 - Futuna-Aniwa bible

FAKARUA KORINTHUS, 6

¹ACIME ma hepe nokovere ia aia, fakouia mukei acoua foci pe acoua seamo ana ta karofa o Atua, kaia vere iateia.

²Ma aia neitucua, avou nakarogona acoua ia ta nopoge erefia iateia, ia ta nopoge o tufwa anea mouri avou nakapare akoi, koucitia melou ko ta nopoge o karofa, koucitia, melou ko ta nopoge o tufwa mouri.

³Seiauiai aroto ia ane tasi, pe sefasosa ia afetshicou o kova;

⁴Kaia i ane iotshi maganerefia hepe acitia afetshicou o Atua, ia fenagaro sore merino, ia ane iauiai aroto, ia akai ma jimra, ia ane takaroiai fenagaro sore,

⁵Ia atshi ia toura, ia nofo ia afare mukei, ia afiatu, ia avere, afatshigeia, ia nokopari;

⁶Ia magane totonu, ia arapakou, ia fenagaro merino, ia alofa, ia ta Nokano Tapu, ia tamari acitiafakarafia.

⁷Ia tafasao o tamari, ia ta tomatua o Atua, ia anea o itapu tatoua i magane totonu ia norima matou, ma ia norima masui,

⁸Ia ta sore ma fasosa, ia afasao isa ma afasao erefia iacoua; hepe karasia, kaia tamari;

⁹Hepe sekeiro ia tagata, kaia nalupai keiro acime; hepe nokomate, ma koucitia acime mouri; hepe nakatshi, kaia semate;

¹⁰Hepe nokotagi, kaia segapu kabisa; hepe outa jimra, kaia nokomna nalupai amo outa sore; hepe seamo ane tasi kaia nakamo ane iotshi.

¹¹Kaia acoua tagata o Korinth, tshome rougoutu fakamama iacoua, tshome roto kosore.

¹²Acoua seneitucuasana ia acime, kaia acoua neitucuasana ia niaua roto.

¹³Melou ma ta ioria ia ane nei, avou kofasao hepe ia tshaku erecriki, erefia niaua roto kosore.

¹⁴Natshicina acoua arafia ia fakavageina keifousia ia acre sefakarogrogo; ma taha totonu ia magane erefia ma ia maganisa? ma taha ko tshana ia merama ma apouri?

¹⁵Ma taha nofo mugaro ia Kristo ma Bilial? Ma taha mugaro ia aia fakarogrogo, ma ia sefakarogrogo?

¹⁶Ma taha hepe tasi ia tafare o Atua ia tetua? Ma acoua ko ta fare mori o Atua mouri, hepe Atua nakatacua, avou kanofo ia acre, ma katakaro ia acre, ma avou kanofo niare Atua, ma acre kanofo tshaku tagata.

¹⁷Ianenei acoua komai watafa acre, ma feke acre, koutucua, ta Teriki, ma setofia ta ane paku isa; ma avou arafia acoua.

¹⁸Ma avou konofo hepe ta Mana iacoua, ma acoua kanofo tshaku untariki ma anofine, koutucua ta Terriki Tomatua ia ane iotshi.