Read Futuna-Aniwa FAKARUA KORINTHUS, 9 Bible Online

FAKARUA KORINTHUS, 9 - Futuna-Aniwa bible

FAKARUA KORINTHUS, 9

¹IA magane o nivaia ma tufwa ane ia tagata o Iesu, avou seserea iacoua taha acoua melou keiro;

²Ma avou keiro ta tomatua o niaua fenagaro, ma o aia avou fesao sore o acoua ia acre o Masitonia, pe Akaia nikurava tou tasi mokagi iateia, ma niaua tomatua neimna nalupai asitu.

³Kaia avou nikouna ta anoso, pe tshome fasao sore o acoua ia ane nei sekohua, pe hepe avou neitucua tshoua kurava;

⁴Pe acre o Masitonia komai ia avou, ma koucitia acoua sekurava (acime pe jimra acou) nakoma ia tenei fesao sore.

⁵Ianenei avou mentua erefia keifakairo ta anoso pe acre roro mokagi iacou, ma fakatapuria mokagi niaua alofa o mone, o aia avou nifakairo acoua mokagi, pe aia fetacina ma nofo hepe tasi alofa, ma jimra hepe o keiremu.

⁶Kai tenei avou koutucua, aia eipesia fakasisi kamo nofua fakasisi; ma aia eipesia sore kamo nofua sore.

⁷Eotshi tane hepe aia mentua ia tshana roto erefia aia tufwa, jimra ia kerimu, mo hepe faruke, ma Atua acitiafakarafia aia tufwa ia kabisa.

⁸Ma Atua ko tomatua keimna iotshi karofa keimai iacoua, pe acoua atou ma tou nakamo one nalupai ia ane iotshi, tomatua ia avere iotshi erefia.

⁹Hepe aia ko sereace, aia nivaia watafa, aia nakatufwa ia tagata niare jimra, tshana totonu ioria neinofo atou ma tou.

¹⁰Melou aia kotufwa anohua ia aia eipesia, ma bret ia niaua akai, ma komaraga niaua anohua neipesia, ma fakatapuria ta nohua o niaua amagane totonu.

¹¹Acoua amo anea mane nalupai keitufwa nalupai, aia neimna acime bisa ia athank Atua.

¹²Ma ta vere o tenei alofa, jimra ana nokotufwa akai ma ia tagata o Iesu niare jimra, kaia aia ko foci emna nalupai atank Atua.

¹³Nokoucitia ia ta magane o tenei avaia acre kabisa ia Atua ma niaua fakarogrogo ma vere erefia ia afasao o Kristo, ma ia niaua sore anea neitufwa iacre, ma ia tagatotshi.

¹⁴Ma ia niare mori ma acoua, acre acitiafakarafia acoua ma ta sore karofa o Atua ia acoua.

¹⁵Athank ia Atua ma tshana karofa sore, afasao sekoutucua.