Read Futuna-Aniwa CALEISA, 1 Bible Online

CALEISA, 1 - Futuna-Aniwa bible

CALEISA, 1

¹PAULO ta apostolo, jimra o tagata, mo ia tagata, kaia ia Iesu Kristo, ma Atua ta Mana, aia neitshicitshiakace aia ia tagata nimate;

²Ma iotshi anoso konofo ia avou, ia ta Akalasia o Calasia;

³Karofa iacoua ma merino ia Atua ta Mana, ma ia ta Teriki Iesu Kristo.

⁴Aia neitufwa aia ioria tshote maganisa, pe aia arafia acitia feke watafa tenei isa fanua wararonei, hepe ta fenagaro o Atua ta Mana;

⁵Ia aia kotufwa ta sore noneate atou ma tou. Amen.

⁶Avou masaro pe acoua meloua nitafuri feke ia aia nitapa acoua ia ta karofa o Kristo ia sece fasao erefia;

⁷Aia ko jimra sece; kaia faru iauiai arotoua, ma karasia ia tafasao erefia o Kristo.

⁸Kaia pe acime, mo tasi agelo nimai ia taragi kova iacoua tasi foci afasao erefia, pe sece ia aia acime nikova iacoua, erefia aia nofo ia ioria isa sore.

⁹Hepe acime neitucua mokagi, hepe ma avou koutucua foci, pe tasi tane kova iacoua sece afasao erefia, sece ia aia acoua nakamo, erefia aia nofo ia ioria sore.

¹⁰Tiaha melou avou fakaloutshia tagata mo Atua? Mo avou emna tagata ana kabisa? Mo pe avou melou vere emna tagata ana kabisa avou senofo ta fetshicou o Kristo.

¹¹Kaia avou koutucua iacoua anoso, pe tafasao erefia avou nikova iacoua ko jimra o tagata.

¹²Ma tagata setufwa aia iatavou, ma sefakairo avou o aia, kaia aia neitufwa iatavou ia Iesu Kristo.

¹³Ma acoua neirogona o tshaku magane ituai ia ta mori o tagata o Juteia, pe avou sore su nisewa ta kalasia o Atua, ma niiauiai aia;

¹⁴Ma ia ta mori o tagata Juteia avou nivere sore kagi fakou hepe avou ia tshaku fanua, neicitiafakarafia sore afasao ituai nokano jimra ia aia o tshaku amana.

¹⁵Kaia ia nopoge Atua neicitiafakarafia, aia nivaia avou nifeke nonai o tshaku mama, ma nitapa avou ia tshana karofa.

¹⁶Keifakairo ia avou tshana Nontariki, pe avou kova aia ia tagata o fanua pouri; meloua avou sefasao ia tagata o konouri ma toto;

¹⁷Ma avou sefano ia Jerusalem keifasao aicre neinofo apostolo mokagi avou; kaia avou nifano ia Arabia ma nitafuri foci ia Tamaskus.

¹⁸Ma wamuri atou toru avou nifano iluga ia Jerusalem keicitia Pitrus, ma neinofo ia aia anopoge feftin.

¹⁹Kaia faru foci o ta apostolo avou secitia, kaia Jakobus ana ta noso o ta Teriki.

²⁰Ma melou anea avou serea iacoua, koucitia mokagi Atua avou sekorefu.

²¹Wamurira avou nimai ia fanua o Seria ma Silisia;

²²Ma ia nopogera ta akalasia o Juteia secitia tshaku foimata acre neinofo ia Kristo;

²³Kaia acre neirogona ana, pe aia nisewa acime ia atou ituai, melou kova ta fakarogrogo aia ituai nitakaroiai.

²⁴Ma acre nibisa ia Atua ia avou.