Read Futuna-Aniwa CALEISA, 2 Bible Online

CALEISA, 2 - Futuna-Aniwa bible

CALEISA, 2

¹MA wamuri fortin atou foci nisiri avou nifano foci ia Jerusalem ia Barnabus, ma niarafia Taitus foci ia avou.

²Ma avou nifano iluga iateia hepe aia nikouna avou, ma neitufwa iacre ta fasao erefia aia avou nikova ia tagata o iafanua pouri, kaia sekocri ana iacre fakou sore, kumtacu avou nitere iacre ana, ma seamo nofua.

³Kaia jimra Taitus, aia nifano ia avou, aia tatane o Crisi, acre seneimua aia amo ta segeakage;

⁴Ma anea ra ia anoso karasia nimai mune keifatshigeia niote magane ia Kristo Iesu, pe acre niarafia acime fousia ia niare magene.

⁵Ia acre acime sekoutucua erefia niare fasao, jimra ia tasi our; pe tamari o ta fasao erefia nakonofo mukei ia acoua.

⁶Kaia o acre hepe niare fakou sore (acre akai, taha tera iatavou; Atua seamo tasi tane ia tshana notshino ana); ma acre hepe fakou sore ia afasao seasitu avou;

⁷Kaia fiatu avou, wamuri acre neicitia pe ta fasao erefia o sesegeakage aia neitufwa iatavou, hepe aia neitufwa ta fasao erefia o ta segeakage ia Pitrus.

⁸(Ma aia niavere sore ia Pitrus ta apostolo o ta segeakage, aia ma nivere sore ia avou ia tagata o fanua pouri);

⁹Ma wamuri Jamis, Sefas, ma, Joanes, acratou hepe apou sore, neicitia ta karofa neitufwa iatavou, acratou neitufwa iatavou ma Barnabus ta anorima matou o anoso, pe acimaua roro ia tagata o fanua pouri, ma acre ia ta segeakage.

¹⁰Tenei ana acratou acitiafakarafia acimawa keimentua tagata niare ane jimra; anera avou ma tomatua keimna.

¹¹Kaia wamuri Pitrus nimai ia Antiok, avou saciria aia mokagi tshana faimata, ianenei tshana magane nisafi.

¹²Ma mokagi faru tagata niromai ia Jemis, aia nikeina ia tagata o fanua pouri, kaia wamuri acre niromai, aia nifeke ma neinofo papai iacre, nimtacu acre o ta segeake.

¹³Ma fakou o Juteia nitafuri ma feke ia aia, ia ta sore pe Barnabas foci niarafia ma feke ia niare feiva.

¹⁴Ma wamuri avou neicitia acre seroro totonu hepe ta mari o tafasao erefia, avou neitucua ia Pitrus mokagi acre iotshi, Pe akoi tasi tane o Juteia, keina hepe tagata o fanua pouri, ma jimra hepe tagata o Juteia, tiaha akoi emna tagata o fanua pouri keina hepe tagata o Juteia.

¹⁵Acime fakou o Juteia ia farere, ma jimra tagata isa o fauua pouri,

¹⁶Nokeiro pe ta tane seemna erefia ia avere o tafasao tapu mukei, kaia ia ta fakarogrogo o Iesu Kristo, acime ma nafakarogrogo ia Iesu Kristo, pe acime nakapenpena erefia ia ta fakarogrogo o Kristo, ma jimra ia avere o ta fasao tapu, ma ia ta avere o ta fasao tapu jimra tane tasi kanagi erefia mokagi Atua.

¹⁷Kaia pe acitia acitiafakarafia keipenpena ia Kristo, acime ma nofo tagata isa, ianenei ko Kristo ta fetshicou o ane isa mo? Atua neitucuasana ra.

¹⁸Ma pe avou kafakaturia foci ta anea avou nitakaroiai, acre koucitia avou isa.

¹⁹Ma avou ia afasao tapu nimate ia ta fasao tapu, pe avou mouri ia Atua.

²⁰Avou neitucia ia tererakau fakaravasia ia Kristo, kaia avou mouri, kaia jimra avou, kaia Kristo nokomouri ia avou, ma ta mouri avou mouri ia ta konouri, avou mouri ia ta fakarogrogo o ta Nontariki o Atua, aia neicitiafakarafia avou, ma neitufwa ia avou.

²¹Avou setakaroiai ta karofa o Atua, ma pe nokopenpena erefia nimai ia tafasao tapu, Kristo nimate ana.