Read Futuna-Aniwa CALEISA, 4 Bible Online

CALEISA, 4 - Futuna-Aniwa bible

CALEISA, 4

¹KAIA avou koutucua iacoua, ta tourumatua amo ane tsha tamana iotshi nopoge aia ta tamasisi, aia konofo hepe tasi fetshicou, kaia aia teriki o iotshi.

²Kaia aia konofo iraro fakou keifakairo aia ma fatshigeia aia ia ta tou mai ta mane neitucua iacre.

³Hepe ma acitia ia atou acitia neinofo erecriki, nifousia ia ta magane o fanua wararonei.

⁴Kaia ia atou komai iateia, Atua nikouna tshana nontariki, nifarere o ta fine, neimna iraro tafasao tapu,

⁵Keifuka ta ioria o amaganisa o acre neinofo eraro ta fasao tapu, pe keitufwa acime ta fotshia o anontariki.

⁶Ma ianei acoua nofo anontariki, Atua nakouna ta Nokano o tshana Nontariki ia niaua aroto, nokotapa, Abba, Tata.

⁷Ianei wamurira akoi jimra tasi fetshicou, Kaia tasi nontariki; ma pe tasi nontariki, tasi amo anea o Atua ia Kristo.

⁸Kaia ia atou acoua sekeiro Atua, acoua niavere mori ia acre anea kojimra atua.

⁹Kaia melou, wamuri acoua keiro Atua, mo nikeiro o Atua, tiaha acoua kotafuri foce ia anera taru ma isa anea acoua keremoa foci keifousia acoua?

¹⁰Acoua fatshigeia anopoge, ma umrama, ma anea, ma atou.

¹¹Avou kumtacu o acoua, pe tshaku vere ia acoua sefua.

¹²Anoso, avou fakouia mukei acoua, nofo hepe avou, ma avou hepe acoua; acoua seiauiai avou.

¹³Acoua keiro pe ia ta taru o ta konouri, avou nikova ta fasao erefia iacoua ia ta neikamata.

¹⁴Ma tshaku taru ia ta konouri acoua sefeimacoua, ma setouwaki, kaia niarafia avou hepe tasi agelo o Atua, hepe Iesu Kristo.

¹⁵Wehe melou ta nikabisa acoua nifasao o aia? ma avou koutucua o acoua, pe acoua tomatua iateia, acoua futshiace niaua foimata nakatufwa iatavou.

¹⁶Taha avou nitafuri feimacoua acoua mo, ianenei avou koutucua iacoua ta mari?

¹⁷Acre emna acoua tomatua, kaia jimra erefia, keini acre keremoa pofna acoua watafa, pe acoua asitu acre.

¹⁸Kaia aia ko erefia keimna tomatua atou ma tou ana ia ane erefia, ma jimra ana i anopoge avou nofo ia acoua.

¹⁹Tshaku erecriki sisi, o acoua avou my sore ia farere acoua foci ia taha nopoge Kristo konofo ia acoua.

²⁰Avou keremoa keinofo ia acoua melou, ma keitafuri tshaku noreo; ma avou kotu kumtacu acoua setamari.

²¹Koutucua iatavou, acoua keremoa keinofo iraro ta fasao tapu, acoua serogona ta fasao tapu mo?

²²Ma aia neiserea pe Ebraham niamo erua antariki, ta tasi ia tshane fine fetshicou, ma ta sece ia ta fine sefousia.

²³Kaia aia nimai o ta fine fetshicou nifarere wamuri magane o ta konouri, kaia aia o tafine sefousia o ta fatshipoge.

²⁴Aneara ko ta furifasao, ma acraua ta erua rakamna mori fasao mukei, ta tasi feke ta ora Sinai aia nifarere erecriki keifousia ia afetshicou, aia Eecar.

²⁵Mo tenei Ecar ko ta ora Sinai ia fanua Arebia, ma ko ta fakatagasia o Jerusalem aia konofo melou, ma ko fousia afetshicou ia tshana erecriki.

²⁶Kaia Jerusalem aia konofo iluga ko sefousia, aia ko ta nana o acitiotshi.

²⁷Ma aia ko serea, Kabisa akoi epa sefarere erecriki, nokofasao ma tagi akoi sekaitakamea; ma aia nofo ana nakamo erecriki sore kagi aia nakamo tasi nonwane.

²⁸Melou acitia anoso, hepe Aisak neinofo, acitia konofo ta erecriki o ta fatshipoge.

²⁹Kaia hepe ituai aia nifarere wamuri ta konouri nisewa aia nifarere wamuri ta Nokano, hepe ma ko magane melou.

³⁰Kaia taha ko serea ia Tafasao Tapu? Touwaki watafa ta fine fousia fetshicou, ma tshana nontariki; ma ta uontariki o ta fene fousia, sekamo ta outa ma fakatagasia ia ta nontariki o ta fine sekofousia.

³¹Hepe ma anoso, acitia senofo erecriki o ta fine nifousia, kaia o aia sefousia.