Read Futuna-Aniwa CALEISA, 5 Bible Online

CALEISA, 5 - Futuna-Aniwa bible

CALEISA, 5

¹IANENEI kotu mukei ia ta sefousia Kristo nakatufwa acitia, ma seamo acoua foci ta vere fousia mafa.

²Koucitia, avou Paulo koutucua iacoua, pe acoua amo segeakage, Kristo seasitu acoua.

³Ma avou fasao mukei foci ia iotshi tane pe ko segeakage pe aia nofo iraro iotshi tafasao tapu.

⁴Kristo sepenpena acoua, mo ia acre o acoua kopenpena ia tafasao tapu, koto ia ta karofa.

⁵Ma acitia ia ta Nokano tari ia ta nanacina o magane totonu ia ta fakarogrogo.

⁶Kaia ia Iesu Kristo jimra segeakage mo sesegeakage asitu ia ane, kaia fakarogrogo aia kovere ia acitiafakarafia.

⁷Acoua nifuru erefia, akai neitucuasana acoua, vere erefia ia ta mori?

⁸Tenei magane sekomai o aia kotapa acoua.

⁹Sisi leven konace iotshi nopito.

¹⁰Avou mentua acoua nofo mukei ia ta Teriki, pe acoua nofo totonu ia fenagaroua; kaia aia iauiai arotoua kamo tshana ioria pe aia sore mo sisi.

¹¹Ma avou anoso, pe avou melou kova segeakage, tiaha melou ma acre sewa avou? pe avou kova hepera niare fakainina ia ta terarakou fakaravasia kurava.

¹²Avou keremoa acre toutshice pe iauiai niaua roto.

¹³Ma anoso, acoua nakatapa ia ragragi, kaia acoua natshicina magane safi ia ta konouri, kaia ia acitiafakarafia vere acoua tasi ia tast foci.

¹⁴Ma iotshi afasao tapu vere iateia kurava ia tasi fasao, Akoi kacitia fakarafia tagata o tshou aratopa hepe akoi.

¹⁵Kaia pe acoua moutshia ma takaroiai tasi ma faruke, fatshigeia pe acoua seiauiai tasi ia faruke.

¹⁶Tenei avou koutucua, roro ia ta Nokano, ma acoua semagane o ta konouri isa.

¹⁷Ma ta konouri tosana feimacoua ta Nokano, ma ta Nokano feimacoua ta konouri, ma o acrawa tasi fiatu tasi foci, ma emna acoua taru emna anea mane acoua acitiafakarafia.

¹⁸Kaia pe ta Nokano arafia acoua, acoua senofo iraro ta fasao tapu.

¹⁹Ma melou avere o ta konouri nakacitia, acre ra, tshigo fafine tsha faruke, tshigo fafine nofo ana, maganisa, fenagaro isa,

²⁰Mori tetua o fanua pouri, tafegeitu, fakainina fiatu, soutari, feimacoua, saciria, feimacoua teriki ma, iauiai fasao fakairo o Iesu,

²¹Aroto komy ia tasi foci, taia mate tagata, kona ia ta kava iotshi, fasosa ma magane safi, ma iotshi hepera; o acre iotshi hepera tamari avou koutucua iacoua, hepe avou nakatucua iacoua ituai, pe acre emna magane hepera sekafano ia ta vaka o Atua.

²²Kaia ta anofua o ta Nokano ko acitiafakarafia, kabisa, merino, sefakainina, fasao meru, maganerefia, fakarogrogo.

²³Sefiatu, senumea akava, ia amagane hepera tafasao tapu seioria isa.

²⁴Ma acre tsha Kristo nakatucia ia fakaravasia ta konouri ma tshana keremoa isa.

²⁵Pe acitia komouri ia ta Nokano, erefia acitia roro ia ta Nokano.

²⁶Erefia acitia sekeremoa kosore nofua jimra o aia, tasi nokoiauia ta roto o faruke, tasi fakainina ia tasi foci.