Read Futuna-Aniwa EFESUS, 1 Bible Online

EFESUS, 1 - Futuna-Aniwa bible

EFESUS, 1

¹PAULO tasi apostolo o Iesu Kristo ia ta fenagaro o Atua, ia tagata o Iesu nokonofo ia Efesus, ma ia fakarogrogo ia Kristo Iesu;

²Karofa iacoua, ma merino ia Atua tshote Tamana, ma ia ta Teriki Iesu Kristo.

³Erefisa ta Atua ma ta mana o tshote Teriki Iesu Kristo, aia nakatufwa acitia ane iotshi, erefia o ta nokano i anone taragi ia Kristo;

⁴Hepe aia nikasubina acitia ia aia mokagi ta nontafito o iafanua wararonei, pe acitia nofo tapu, ma semaganisa emoa aia i acitiafakarafia.

⁵Nakasubina acitia ia ta afotshia o erecriki ia Iesu Kristo ia aia, hepe ta acitiafakarafia o tshano fenagaro.

⁶Ia ta kabisa o ta sore o tshana karofa, ia aia nakapenpena acitia ia ta nakacitiafakarafia.

⁷Ia aia acitia nakamo ioria o niote maganisa ia tshana toto, ta touwaki o tshote amaganisa, hepe ta sore o tshana karofa.

⁸Ia ane nei aia nakamna sore iacitia, ia iotshi arapakou ma keiro.

⁹Nafakairo acitia ta fune o tshana fenagaro, hepe tshana roto keremoa ia aia.

¹⁰Pe ia tou iateia komai aia nakafetacina fakatapuria ia tasi ane iotshi ia Kristo, ane iotshi nofo ia taragi, ma nofo ra takere; ia aia.

¹¹Ia aia foci, acitia nakamo ane aia neitufwa, nokonagi acitia mokagi iateia hepe ta fenagaro o aia nokovere ia ane iotshi hepe afasao o tshana roto.

¹²Pe acitia nofo ia ta kabisa o tshana sore, acime nimokagi fakarogrogo ia Kristo.

¹³Ia aia acoua foci nifakarogrogo, wamuri acoua neirogona ta fasao o ta mari, ta fasao erefia o niaua ane mouri, ia aia foci wamuri acoua nifakarogrogo, aia neinagi mukei acoua ia ta Nokano Tapu o fatshipoge.

¹⁴Aia ko ta nontafa tufwa mokagi o ane kamai neiioria ia ta kabisa o tshana sore.

¹⁵Ianenei avou foci, wamuria avou neirogona o niaua fakarogrogo ia ta Teriki Iesu, ma acitiafakarafia ia tagata o Iesu.

¹⁶Segapu keitufwa athank ia acoua ia tshaku amori.

¹⁷Pe te Atua o tshote Teriki Iesu Kristo, ta Mana o ta sore noneate, nakatufwa iacoua ta nokano o arapakou ma fasao tufwa ia ta keiro o aia.

¹⁸Afoimata o niaua afenagaro nokeimna merama; pe acoua nakeiro taha ko ta nanacina o tshana nokotapa, ma taha ta outa o tshana sore ane ia tagata o Iesu.

¹⁹Ma taha ta sore su o tshana tomatua iacitia fakarogrogo, hepe ta vere o tshana tomatua sore su.

²⁰Aia neimna ia Kristo, ia nopoge aia neitshicitshiakace aia ia acre nimate, ma neinage aia ia tshana norima matou ia anone ia taragi.

²¹Papai iluga iotshi fakou sore, ma tomatua, ma avaka, ma iotshi neigo ko tapa jimra ana ia fanua wararonei, kaia foci ia tafanua keimai.

²²Ma nakanagi ane iotshi iraro tshana avai, ma neitufwa aia keinofo ta nouru o ane iotsai ia ta kalasia.

²³Aia ko tshana notshino, ta fonu sore o aia nokofonu iotshi ia aneiotshi.