Read Futuna-Aniwa EFESUS, 2 Bible Online

EFESUS, 2 - Futuna-Aniwa bible

EFESUS, 2

¹MA iacoua aia neitufwa mouri, mokagira acoua nimate ia magane safi ma isa.

²Ia amagane ra ituai acoua niroro hepe magane o tenei fanua wararonei, hepe ta magane o ta teriki o ta tomatua o ta vavania, ta nokano melou kovere ia erecriki o maganisa.

³Ia acre acitiotshi ituai niamo niote afasao ia ta keremoa isa o ta konouri, emna magane hepe ta keremoa o ta konouri mo o ta fenagaro, ma neinofo hepe nifarere erecriki o fakainina hepe tagatotshi.

⁴Kaia Atua ia tshana karofa sore, ia tshana acitiafakarafia sore ia aia aia acitiafakarafia sore acitia.

⁵I anopoge acitia nimate ia amaganisa, nakamna acitia mouri ia Kristo ia ta karofa acoua kopare,

⁶Ma neitshicitshiakace acitia fakatapurea, ma neimna acitia fakatapuria ia anone o taragi ia Kristo Iesu.

⁷Pe ia atou ma tou keimai aia nakamata ta erefia sore o tshana korofa ia tshana acitiafakarafia o acitia ia Kristo Iesu;

⁸Ma ia ta karofa aia kopare acoua ia fakarogrogo, ma aia jimra o acoua; aia ko tufwa o Atua;

⁹Jimra o avere pe ta tane tasi senakeitacinakace.

¹⁰Ma acitia nofo tshana vere, neimna fou ia Kristo Iesu ia maganerefia, acre Atua neinagi mokagi pe acitia roro ia acre.

¹¹Ianenei mentua, pe acoua nofo ituai tagata o fanua ia ta konouri nitapa acoua sesegeakage ia anera kotapa ta segeakage ia ta konouri neimna ia aremore;

¹²Pe i anopoge ra acoua sekeiro Kristo, feimacoua magane o tagata o Israel, ma serogona afatshipoge o afasao tapu, ma seamo nanacina, ma sekeiro Atua ia fanua wararonei.

¹³Kaia melou ia Kristo Iesu, acoua ituai neinofo papai koarafia itata ia ta toto o Kristo.

¹⁴Ma aia ko tshote merino ma aia neimna acrawa ra tasi ana, ma nakatouwaki iraro ta pai takese nivai acitia.

¹⁵Nitakaroiai ia tshana konouri ta feimacoua, aia ta fasa tapu o afasao mukei neitufwa ia avere niare, ma keimna ia aia o acrawa tasi tane fou, nokomna merino.

¹⁶Ma pe aia niarafia acrawa ia Atua ia tasi notshino ia ta fakaravasia, nakataia mate ta feimacoua ia aia.

¹⁷Ma nimai ma nikova merino iacoua neinofo papai, ma iacre ko itata.

¹⁸Ma ia aia acitia romai ia tasi nokano ia ta mana.

¹⁹Ma ianenei wamurira acoua jimra tagata papai sekeiro, ma tagata o fanua pouri, kaia nokonofo ia tasi umrai ia tagata o Iesu, ma o ta fare o Atua.

²⁰Ma nifakatapuria ia tave o ta apostolo ma aprofeta, Iesu Kristo aia ta nunturi fatu.

²¹Ia aia iotshi o tafare ko neimna erefia ia tasi nokosome ia tasi tafare sore tapu o ta Teriki.

²²Ia aia acoua foci nifakatapuria ia ta fare o Atua ia ta Nokano.