Read Futuna-Aniwa EFESUS, 3 Bible Online

EFESUS, 3 - Futuna-Aniwa bible

EFESUS, 3

¹MA ia ane nei avou Paulo ta fousia ia tafare mukei o Iesu Kristo ia acoua tagata o fanua pouri.

²Pe acoua nakarogona o ta karofa o Atua ko tufwa iatavou ia acoua.

³Pe i afasao aia neitufwa avou ta anea funa (hepe avou neiserea mokagi ia afasao toru ana.

⁴Ianenei, ia aia acoua tawa, acoua nakeiro tshaku arapakou ia ane funa o Kristo).

⁵Anera ia atou ituai setufwa ia anontariki o tagata, hepe aia melou kotufwa ia niana tapu apostolo ma aprofeta ia ta Nokano.

⁶Pe tagata o iafanua pouri nakamo ia acime ta tasi noaga, ma nakamo o tshana fatshipoge ia Kristo ia ta fasao erefia;

⁷O ane nei aia neimna avou tasi tane kova, hepe ta tufwa o ta karofa o Atua, neitufwa iatavou, ma avou ia ta vere erefia o tshana tomatua.

⁸Iatavou, ma avou ta sisi ana o ta fakasisi o tagata o Iesu, ko tenei karofa tufwa, pe avou nakova ia tagata o fanua pouri, anea mane erefia sore o Kristo;

⁹Ma keifakairo tagatotshi keicitia taha ko ta fousia acitia ia ta funa, aia wamuri ta neikamata o iafanua wararonei nakafuna ia Atua, aia neimna ane iotshi ia Iesu Kristo;

¹⁰Ia ane nei pe melou ia acre sore su ma tomatua ia teragi nakacitia ia fakairo ia ta kalasia ta nalupai arapakou o Atua.

¹¹Hepe tshana fenagaro mentua mokagi aia neimna iafanua wararonei ia Kristo Iesu tshote Teriki.

¹²Ia aia acitia nakamo tomatua, ma roro ia aia keimori ia ta fakarogrogo o aia.

¹³Ianenei avou acitiafakarafia acoua sematese ia tshaku roto nimy iacoua, aia ko niaua kabisa.

¹⁴Ia ane nei avou fakaturia tshaku anturi ia ta Mana o tshote Teriki Iesu Kristo.

¹⁵O aia iotshi niana tagata ia taragi ma ia fanua wararonei ko tapa ia tshana neiga.

¹⁶Pe aia tufwa iacoua, hepe ta outa erefisa o tshana sore, keimna acoua tomatua ia tshana nokano ia niaua roto;

¹⁷Pe Kristo nakonofo ia niaua roto ia fakarogrogo, pe acoua nage noaka mo nofo mukei ia acitiafakarafia,

¹⁸Nakamo ta arapakou keiro ia iotshi tagata o Iesu taha ko ta porpore, ma ta palo, ma ta mano iraro, ma ta iluga;

¹⁹Ma keiro ta acitiafakarafia o Kristo, aia tagata sekeiro, pe acoua nakafonu ia iotshi kofonu o Atua.

²⁰Ma Melou ia aia ko tomatua keimna sore kagi iluga iotshi acitia nogia mo mentua, hepe ta tomatua kovere ia acitia.

²¹Ia aia kotufwa ta sore kabisa ia ta kalasia o Kristo Iesu, ia atou ma tou, iafanua sekobune. Amen.