Read Futuna-Aniwa EFESUS, 6 Bible Online

EFESUS, 6 - Futuna-Aniwa bible

EFESUS, 6

¹ERECRIKI fakarogona afasao ma vere erefia hepe ta fakairo o amanoua ma ananoua ia ta Teriki; mo tenei ko erefia.

²Maganerefia ia niaua mana ma nana, aia ta fakatasi tafasao tapu ia fatshipoge ioria iateia.

³Pe ane erefisa komai iatakoi, ma pe akoi mouri atou nalupai ia fanua wararonei.

⁴Ma acoua fatamana seiauiai arotorea o niaua erecriki ia fakainina, kaia fatshigeia fakeina ma fakairo acre ia ta kumtacu o ta Teriki.

⁵Afetshicou fakarogona ma vere erefia iacre niaua ateriki ia ta konouri, ia ta kumtacu ma virviri, ia aroto merino erefia, hepe ia Kristo;

⁶Jimra ia avere tagata koucitia ma bisa iateia, kaia hepe afetshicou o Kristo, nokovere hepe ta fenagaro o Atua ia ta roto.

⁷Ia fenagaroua mugaro iateia nokovere hepe ia ta Teriki, ma jimra ia tagata.

⁸Nokeiro ane iotshi erefia tatane emna, aia kamo ioria iateia o ta Teriki, pe aia keifousia mo eivetea.

⁹Ma acoua fatoriki maganerefia hepera iacre, sesaciria iacre, nokeiro pe niaua Teriki foci ko ia taragi, ma aia ioria tagatotshi totonu hepe tasi.

¹⁰Kurava akuso, nofo tomatua acoua ia ta Teriki ma ia ta tomatua sore tshana.

¹¹Kataka ia iotshi anea mane o tatoua o Atua, pe acoua tomatua keikotu mokagi ta karasia o ta tevil.

¹²Ma acitia sefiatu ia konouri ma toto ana, kaia keifiatu fakou sore, ma acre tomatua, ma afatoriki o apouri o tenei iafanua, anokano isa nofo iluga.

¹³Ianenei amo iacoua ane iotshi o tatoua o Atua, pe acoua tomatua keikotu mukei ia ta nopoge isa, ma nakamna iotshi, keikotu.

¹⁴Ianenei kotu, nakatoutshi niaua anobile ia ta mari, ma ta fatfata ane o magane totonu.

¹⁵Ma niaua avai kofou ia asu o ta penpena o tafasao erefia o merino.

¹⁶Iluga iotshi amo ta kapare o fakarogrogo, ia aia acoua tomatua tamte iotshi tatou o tiafi o acre isa.

¹⁷Ma amo ta topurou o amouri taragi, ma ta tomatshira palo o ta Nokano, aia ko tafasao o Atua.

¹⁸Nokomori segapu nokotapa ia iotshi mori nokotapa ia ta Nokano, ma fatshigeia iateia, segapu nokotapa aia asitu iotshi tagata o Iesu.

¹⁹Ma avou pe tufwa avou koutucua erefia, pe avou fakamama tshaku rogoutu tomatua keikova ta mune o tafasao erefia.

²⁰Ma ia aia acre nifousia avou ia aus nikouna pe ia avou tomatua kova, hepe erefia avou kofasao aia.

²¹Kaia pe acoua foci ma keiro tshaku anea mane, ma taha avou emna Tykikus tasi noso nakacitiafakarafia, ma fetshicou mari o ta Teriki, katucua iacoua ane iotshi.

²²Aia avou nakouna iacoua ia tenei vere, pe acoua keiro tshome anea mane, ma pe aia emna niaua aroto kabisa.

²³Merino nofo ia anoso, ma acitiafakarafia ia fakarogrogo, keitufwa ia Atua ta Mana ma ta Teriki Iesu Kristo.

²⁴Karofa nofo ia acre iotshi pe acitiafakarafia tshote Teriki Iesu Kristo ia tamari. Amen.