Read Futuna-Aniwa FELEPAI, 4 Bible Online

FELEPAI, 4 - Futuna-Aniwa bible

FELEPAI, 4

¹IANENEI, akuso nakacitiafakarafia sore ma keremoa, tshaku kabisa ma kroun, hepe ma kotu acoua ia ta Teriki, tshaku nakacitiafakarafia sore.

²Avou fakouia mukei Iuotias, ma fakouia mukei Senteke pe acrawa nofo ia fenagaro tasi ana ia ta Teriki.

³Avou fakouia akoi foci, akoi tamari asitu avou, keiasitu afine ra niavere ia avou ia afasao erefia, ia Kliment foci, ma ia iotshira kositu avou, niare aneigo neiserea ia tatapuria o amouri.

⁴Kabisa ia ta Teriki segapu; ma foci avou koutucua kabisa.

⁵Erefia niaua magane totonu tagatotshi koucitia. Ta Teriki ko itata.

⁶Sekumtacu sore ia ane tasi, kaia ia ane iotshi ia amori ma nokotapa nogia ia tufwa athank, erefia tshoua anea nogia o Atua.

⁷Ma ta merino o Atua tagata sekeiromana, kapare niaua aroto ma afenagaro ia Kristo Iesu.

⁸Kurava, anoso, ane iotshi ko mari, ane iotshi setshigo, ane iotshi totonu, ane iotshi ekira, ane iotshi acitiafakarafia ane iotshi fasao erefia iateia, pe maganerefia nofo, pe faru kabisa iateia, kamentua ia ane iotshi ra.

⁹Ane iotshi ra nifakairo, acoua, ma acoua niamo, ma neirogona, ma neicitia ia avou, emna, ma ta Atua o merino kanofo ia acoua.

¹⁰Kaia avou nibisa sore ia ta Teriki, pe melou ia tou nei wamuri nalupai acoua nakasitu ia karofa avou foci, ia ane ra acoua nimentua avou, kaia niaua retu iateia nijimra.

¹¹Avou sefasao o anea mane jimra, ma aia nifakairo avou ia ane iotshi avou nofo keiamo kuroto merino

¹²Avou keiro keinofo anea jimra, ma avou keiro keiamo sore, ia iotshi anone ma ia iotshi anea aia nifakairo avou nofo keimakona, ma keitshitoge, keiamo nalupai ma keinofo akai jimra.

¹³Avou emna ane iotshi ia Kristo aia emna avou tomatua iateia.

¹⁴Kaia acoua nakamaganerefia, pe acoua nikouna iatavou ia kuroto nimy ia tshaku sewa.

¹⁵Melou ma acoua tagata o Felepai keiro, pe ia ta neikamata o ta fasao erefia, ia nopoge avou nifeke Masitonia, jimra tasi kalasia neiasitu avou ia nokotufwa ma nokoamo, kaia acoua ana.

¹⁶Ma ia Thisaloneika acoua nikouna tasi ma foci keiasitu ia avou mone.

¹⁷Jimra ia ane nei avou keremoa ta karofa, kaia avou keremoa anofua pe aia ioria acoua iateia.

¹⁸Kaia avou nakomo iotshi ma faru nofo; avou makona, nokoamo ia Ipafrotitus ta anea nikouna ia acoua, anea mugaro o konamu erefia, tasi takavari nakamo Acitiafakarafia ia Atua.

¹⁹Kaia tshaku Atua katufwa anea iotshi iacoua hepe tshana outa ia taragi ia Kristo Iesu.

²⁰Melou ia Atua ma tshote Tamana keitufwa ta sore atou ma tou. Amen.

²¹Alofa iotshi tagata ia Kristo Iesu, Ta Anoso konofo ia avou alofa acoua.

²²Iotshi tagata o Iesu alofa acoua, sore acre nofo ia ta fare o Sisar.

²³Ta karofa o tshote Teriki Iesu Kristo keinofo ia acoua iotshi. Amen.