Read Futuna-Aniwa KOLOSE, 1 Bible Online

KOLOSE, 1 - Futuna-Aniwa bible

KOLOSE, 1

¹PAULO tasi apostolo o Iesu Kristo ia ta fenagaro o Atua, ma Timotheius tshote noso,

²Ia tagata o Iesu ma fakarogrogo anoso ia Kristo nokonofo ia Kolose; karofa iacoua ma merino, o Atua tshote ta Mana ma ta Teriki Iesu Kristo.

³Acime tufwa athank ia Atua ta Mana o tshote Teriki Iesu Kristo, nokomori aia segapu keisitu acoua,

⁴Wamuri acimawa neirogona o niaua fakarogrogo ia Kristo Iesu, ma o ta acitiafakarafia acoua nakamo ia iotshi tagata o Iesu.

⁵Ma ta nanacina ko nagi iluga ia acoua ia taragi, o aia acoua neirogona mokagi ia tafasao o ta mari o tafasao erefia;

⁶Aia komai iacoua, hepe aia komai iafanua; ma kotufwa nofua, hepe ia acoua foci, wamuri ta nopoge acoua neirogona o aia, ma nikeiro ta karofa o Atua ia tamari;

⁷Hepe acoua foci neirogona o Ipafras tshote acitiafakarafia fetshicou ia tavere, aia ko iacoua tasi fakairo ta mari ia Kristo.

⁸Aia foci neitucua iacime o niaua acitiafakarafia ia ta Nokano.

⁹Ianenei acime foci, wamuri ta nopoge acime neirogona o aia, segapu mori aia asitu iacoua, ma keiremu pe acoua nakafonu ia ta keiro o tshana fenagaro ia iotshi arapakou ma nokeiro anea o nokano.

¹⁰Pe acoua roro erefia o ta Teriki ia ane iotshi erefia, nokohua ia avere iotshi erefia, ma nokeiro sore ma fakasore fakairo o Atua.

¹¹Neimna tomatua ia iotshi tomatua, hepe ta sore tomatua tshana, ia iotshi merino ma sefiatu ia nokobisa.

¹²Nokotufwa athank ia ta Mana, aia neipenpena acitia keiamo nontafa o ta outa o tagata o Iesu ia ta merama.

¹³Aia nakapare acitia ia ta tomatua o pouri, ma nakanagi acitia ia ta vaka o tshana nakacitiafakarafia nontariki.

¹⁴Ia aia acitia nakamo ioria niote amaganisa ia tshana toto, ta seioria o niote amaganisa.

¹⁵Aia ko ta noata o ta Atua ko secitia mana, ta tourumatua o ane iotshi neimna.

¹⁶Ma ia aia anea iotshi nitapa ma neimna, nokonofo ia taragi, ma ia fanua wararonei, anea keicitia ma sectiamana, pe acre konofo athron, mo fatoriki, mo fakou sore, ma acre tomatua, anea iotshi nitapa neimna ia aia, ma niana acre.

¹⁷Ma aia ko mokagi ane iotshi, ma ia aia anea iotshi konofo.

¹⁸Ma aia ko ta nouru o ta notshino, ta kalasia, aia ko ta neikamata, ta tourumatua o acre nimate, pe ia ane iotshi aia kosore.

¹⁹Ma ta Mana neicitiafakarafia pe ia aia iotshi kofonu nofo;

²⁰Ma nakeimna merino ia aia ia ta toto o tshana fakaravasia, ia aia keiarafia anea iotshi ia aia, ia aia avou koutucua pe acre anea nofo ia fanua wararonei, mo anea ia taragi.

²¹Acoua ma, i atou nisiri neinofo papai ma feimacoua aia ia fenagaroua ia avere isa, melou aia nakarafia acoua ia aia;

²²Ia ta notshino o tshana konouri ia ta mate, keinagi acoua erefisa tapu, ma sesaciria acoua emoa tshana foimata.

²³Pe acoua konofo ia ta fakarogrogo nokeiro totonu ma mukei, ma setorotshi keifeke ta nanacina o ta fasao erefia, aia acoua nakarogona, ma aia nikova ia ane iotshi neimna iraro taragi, o aia avou Paulo neimna tasi fetshicou keikova.

²⁴Ma melou kabisa ia tshaku roto my sore iacoua, ma nifou anea sekurava ia ta aroto nokomy o Kristo ia tshaku konouri, ma ia tshana notshino, aia ko ta kalasia.

²⁵O ane ra aia neimna avou tasi fetshicou keikova, hepe ta fenagaro o Atua kotufwa ia avou iacoua, keifonu ta fakairo o tafasao o Atua.

²⁶Afasao ra nifuna ma keireiro ia tagata ia atou ma tou, tasiatu tagata, kaia melou kotufwa ia tagata o Iesu.

²⁷Iacre Atua neitufwa keiro taha ko ta outa sore o tenei nifuna ia tagata o fanua pouri, aia ko Kristo ia acoua ta nanacina o taragi.

²⁸Aia acitia kova, neitucuasana tagatotshi; ma nokofakairo tagatotshi ia iotshi arapakou, pe acime arafia tagatotshi neipenpena erefia ia Kristo Iesu.

²⁹Ia ane nei ma avou foci kovere, tomatua hepe tshana nokovere, aia kovere ia avou ia sore tomatua.