Read Futuna-Aniwa KOLOSE, 2 Bible Online

KOLOSE, 2 - Futuna-Aniwa bible

KOLOSE, 2

¹MA avou keremoa pe acoua keiro kuroto sore my fatshigeia acoua ma acre o Laotesia, ma iacre secitiamana tshaku ia ta konouri;

²Pe niare aroto nakabisa, nokofousia hepe tasi ia acitiafakarafia, ma ia iotshi outa o ta fonu fenagaro keiro ta mari ia aroto, keitucua o ta nifuna o Atua, ma o ta Mana, ma o Kristo;

³Ia acratou nifuna iotshi outa o arapakou, ma nokeiro.

⁴Ma tenei avou koutucua, pe tatane tasi sekarasia acoua ia afasao hepe ta mari.

⁵Ma pe avou papai ia ta konouri, avou konofo ia acoua ia ta nokano, nokobisa ma nokoucitia niaua amagane totonu, ma ta tomatua o tshoua fakarogrogo ia Kristo.

⁶Hepe acoua nakamo Kristo Iesu ta Teriki, hepe ma acoua roro ia aia;

⁷Niaua noako, ma fakatapuria mukei ia aia, ma kotu mukei ia ta fakarogrogo hepe nakafakairo acoua nokosore ia aia ia nokotufwa athank.

⁸Fatshigeia pe tasi tane setakaroiai acoua ia afasao arapakou ma niana karasia, wamuri afasao o tagata ituai, wamuri ta fakairo o iafanua wararonei, ma jimra wamuri Kristo.

⁹Ma ia aia nokonofo iotshi afonu o Atua sore.

¹⁰Ma acoua neipenpena erefia ia aia, aia ta nouru o iotshi fatoriki ma tomatua.

¹¹Ia aia foci acoua segeakage ia ta segeakage seneimna ia aremore, ia keiamke ta notshino o amaganisa o ta konouri ia ta segeakage o Kristo.

¹²Neitanumea ia aia ia baptiso, ia aia foci acoua nimasike ia ta fakarogrogo o ta vere o Atua, aia neitshicitshiakace aia ia ta mate.

¹³Ma acoua nimate ia niaua amaganisa ma ta sesegeakage o niaua konouri, aia nakatufwa acoua mouri ia aia, nakotouwaki ioria o iotshi tshoua amagane safi.

¹⁴Nokotufurunacea ta tatapuria norima neiserea ia avere nalupai mafa iacitia, acre fiatu acitia, ma niamke aia watafa tshote retu, nokotucia nail ia aia ia tshana terarakou fakaravasia.

¹⁵Ma natakaroiai afateriki ma atomatua, aia neinagi acre tagata kamata, nokobisa ia takaroiai acre ia aia.

¹⁶Erefisa jimra tane tasi koutucua niaua ioria ia akai, mo ia avai numea, mo ia tasi nopoge o tacrepoga, mo ia ta tumrama fou, mo o ta anopoge tapu.

¹⁷Acre ta noata o anea keimai, kaia ta notshino ko Kristo.

¹⁸Fatshigeia pe jimra tasi tane sekarasia acoua o niaua ioria ia acoua nofo iraro ma nokomori ia agelo, nokofakairo taha aia secitiamana, konace mama ia tshana konouri fenagaro keremoa,

¹⁹Ma jimra kopurutshia ta nouru ia aia iotshi notshino ko tufwa ia afakukuga ma afoinawouwa kotufwa tomatua ma kofousia ia tasi, nokosomo ia ta nokosomo o Atua.

²⁰Ianenei pe acoua nimate ia Kristo nakafeke ta fakairo o ta iafanua, tiaha hepe nokonofo ia ta fanua wararonei, acoua nofo iraro avere o mori ituai.

²¹(Setofia; sepotshia; sepurutshia;

²²Acreiotshira kosiri ia amo acre); wamuri afasao ma fakairo o tagata?

²³Ane iotshira tamari nakamo ta ata o arapakou, ia amori fenagaro fakairo, ma nofo iraro, ma sepenpena ta notshino, kaia acre jimra ia ta sore asitu keremoa o ta konouri.