Read Futuna-Aniwa KOLOSE, 3 Bible Online

KOLOSE, 3 - Futuna-Aniwa bible

KOLOSE, 3

¹PE acoua nimasike ia Kristo, fatshigeia anea nofo iluga, iai Kristo konofo ia ta norima matou o Atua.

²Nagi mukei niaua fenagaro ia anea nofo iluga, jimra ia anea o fanua wararonei.

³Mo acoua nimate, ma niaua mouri komune ia Kristo i Atua.

⁴Ia taha nopoge Kristo aia ko tshote mouri kacitia, acoua foci kacitia ia aia ia ta sore noneate.

⁵Ianenei neitucuasana anontafa o niaua anotshino konofo ia ta fanua, setshigo fafine tsha faruke, semaganisa, sekeiremu ane isa, fenagaro isa, ma keremu, aia ko hepe mori tetua isa.

⁶Ioria o amagane ra amai ta fakainina o Atua ia ta erecriki serogona tshanafasao.

⁷Ia acre acoua niroro i anopoge acoua nimouri ia acre.

⁸Kaia melou acoua foci feke touwaki iotshi ra, fakainina, feimacoua afaruke, saciria, fasao tapu, fasao isa, watafa niaua rogoutu.

⁹Sekorefu tasi ia tasi foci, nokeiro acoua amke ta tane ituai ma tshana amagane;

¹⁰Ma nitaka ia ta tane fou, aia neipenpena ia arapakou wamuri ta noata o aia neimna aia;

¹¹Ia aia jimra tagata o Crisi mo o Juteia, segeakage mo sesegeakage, tagata o fanua pouri mo o Sythia, fetshicou fousia mo sefousia, kaia Kristo ko iotshi ma ia iotshi.

¹²Ianenei kataka hepe tagata niarafia o Atua, tapu ma acitiafakarafia, aroto o karofa, tufwa anea, fenagaro iraro, merino, sefakainina;

¹³Aroto sefiatu tasi ma tasi foci, ma tasi seioria isa tasi foci, magane safi, pe tasi tane fiatu tasi foci, hepe Kristo seioria acoua, acoua emna hepera.

¹⁴Ma iluga ane iotshi ra kataka acoua ia acitiafakarafia, aia ko ta fousia ia erefia.

¹⁵Ma erefia ta merino o Atua nofo mukei ia arotoua, ia tenei magane aia nitapa acoua ia tasi notshino, ma nofo acoua ia athank.

¹⁶Erefia ta fasao o Kristo nofo ia acoua mukei ia iotshi arapakou; nokofakairo ma neitucuasana tasi ma tasi foci ia asam ma agoro o ta mori nokofeke ia acitiafakarafia ia arotoua ia ta Teriki.

¹⁷Ma ane iotshi acoua emna i afasao ma i avere, emna ane iotshi ia ta neigo o ta Teriki Iesu, nokotufwa athank ia Atua ma ta Mana i aia.

¹⁸Ananahune fakarogona ma vere ia ta fakairo o niaua anonwane, hepe erefia ia ta Teriki.

¹⁹Anonwane acitiafakarafia niaua ananahune, ma sefasao isa ma kona iacre.

²⁰Erecriki fakarogona afasao ma emna hepe fakairo o niaua amana ma anana ia ane iotshi; mo tenei ko acitiafakarafia ia Atua.

²¹Amana seiauiai aroto o niaua erecriki keifakainina, pe acre setaru.

²²Afetshicou fakarogona afasao ma vere hepera ia ane iotshi ia niaua fateriki wamuri ta konouri, jimra ia vere mokagi afoimata ana, hepe emna tagata kabisa, kaia ia aroto tasi mari, nokumtacu Atua;

²³Ma anea iotshi acoua emna, emna aia ia iotshi aroto, hepe ia ta Teriki, ma jimra ia tagata ana;

²⁴Nokeiro pe o ta Teriki acoua kamo ta ioria o anea mouri ia taragi, ma acoua kovere ia ta Teriki Kristo.

²⁵Kaia aia komaganisa kaioria aia ia amagane aia neimna; ma aia ioria tagatotshi totonu.