Read Futuna-Aniwa FAKATASI THISALONAIKA, 3 Bible Online

FAKATASI THISALONAIKA, 3 - Futuna-Aniwa bible

FAKATASI THISALONAIKA, 3

¹IANENEI inaia acime taru nofo wamurira, acime mentua erefia avou nofo ana ia Athens.

²Ma nikouna Timotheius, tshote noso, ma fetshicou kova o Atua, ma tshote asitu ia ta vere o ta fasao erefia o Kristo, keinagi acoua mukei, ma keimna acoua kabisa ia niaua fakarogrogo.

³Pe jimra tasi tane keimna taru ia ane isa ra, ma acoua keiro pe aia neinagi acime ia acre.

⁴Ma tamari ia nopoge acime neinofo ia acoua, acime nifakairo acoua mokagi pe anea kamai iauiai arotomea, hepe acre nimai, ma acoua keiro.

⁵Ianenei wamuri avou taru nofo nopoge foci, avou nikouna pe avou nakeiro niaua fakarogrogo, kumtacu ia ane tasi aia karasia nakarasia acoua, ma tshome avere sefua.

⁶Kaia ia nopoge Timotheius nifeke acoua, ma nimai iacime ia afasao erefia o niaua fakarogrogo, ma acitiafakarafia, ma pe acoua mentua erefia acime nopoge ma nopoge, keremoa sore keicitia acime, hepe acime foci keicitia acoua;

⁷Ianenei, anoso, acime nibisa ia acoua ia tshome anea iauiai arotomea ma neimna tagi, ia niaua fakarogrogo.

⁸Ma melou acime mouri pe acoua kotu mukei ia ta Teriki.

⁹Ma taha athank acime katufwa Atua foci ia acoua, ma iotshi ta bisa acime kabisa ia acoua emoa tshote Atua;

¹⁰Tupo ma tiau nokomori sore pe acime nacitia niaua foimata, ma emna kurava ane jimra ia niaua fakarogrogo?

¹¹Melou Atua aia ma tshote ta Mana, ma tshote Teriki Iesu Kristo, emna tshote retu komai iacoua.

¹²Ma ta Teriki emna acoua keiarafia ma soma sore ia acitiafakarafia tasi ia tasi foci, ma ia tagatotshi, hepe acime emna ia acoua;

¹³Ia ane nei aia nakamna tomatua niaua aroto tapu ma semagane safi mokagi Atua, aia tshote Mana, ia ta nopoge o ta nokomai o tshote Teriki Iesu Kristo ia iotshi niana tagata erefia.