Read Futuna-Aniwa FAKATASI THISALONAIKA, 5 Bible Online

FAKATASI THISALONAIKA, 5 - Futuna-Aniwa bible

FAKATASI THISALONAIKA, 5

¹KAIA o taha nopoge ma o taha tou, anoso acoua keiro o acre avou seserea iacoua.

²Ma acoua keiro erefia pe ta nopoge o ta Teriki nokomai hepe ta tane tshigo ia tupo.

³Ma ia nopoge acre katucua merino ma sefiatu, iai meloua takaroiai komai ia acre hepe nakaitamea ia ta fine farere nuntama; ma acre sekafura.

⁴Kaia acoua, anoso, sekonofo ia apouri, pe ta nopoge iateia nakorecofia acoua hepe ta tane tshigo.

⁵Acoua iotshi konofo ta erecriki o merama, ma ta erecriki o ta tiau; acitia jimra o tupo mo o ta pouri.

⁶Ianenei erefia acitia semero hepe faruke, kaia erefia acitia fatshigeia ma sekona.

⁷Ma acre pe mero mero ia tupo; ma acre kona komakona ia ta tupo.

⁸Kaia erefia acitia o tiau konofo sekona, nokotaka ia ta fatfata ane o fakarogrogo ma acitiafakarafia, ma ta topurou mukei o nanacina anea mouri taragi.

⁹Ma Atua senagi acitia ia fakainina, keiamo anea mouri ia tshote Teriki Iesu Kristo.

¹⁰Aia nimate ma acitia, pe acitia kuara mo mero, acitia komouri ia aia,

¹¹Ianenei kabisa acoua fakatapuria, ma fakairo tasi asitu tasi foci, hepe acoua emna.

¹²Ma acime fakouia mukei acoua anoso, keiro acre kovere ia acoua, ma nofo iluga acoua ia ta Teriki, ma ia kova neitucuasana acoua.

¹³Ma keiremu acre sore ia acitiafakarafia, ma niare avere, mo konofo merino sefiatu acoua.

¹⁴Ma melou acime koutucua acoua anoso, neitucuasana acre senofo erefia, asitu acre niare fenagaro taru, asitu acre setomatua, fenagaro merino ia tagatotshi.

¹⁵Fatshigeia pe tasi ia ane isa seioria isa tasi foci; kaia nopoge ma nopoge roro wamuri anea erefia, ia acoua ma ia tagatotshi.

¹⁶Kabisa atou ma tou.

¹⁷Mori ma segapu.

¹⁸Ia ane iotshi tufwa athank; ma tenei ta fenagaro o Atua ia Kristo Iesu ia acoua.

¹⁹Setamte ta Nokano.

²⁰Sefeimacoua afasao o aprofeta.

²¹Fatshigeia aneiotshi purutshia mukei anea ko erefia.

²²Natshicina ma feke ane iotshi hepe isa.

²³Ma ta mari Atua pe o merino penpena erefisa acoua iotshi; avou mori Atua pe iotshi niaua nokano, ma fenagaro, ma notshino keipare semagane safi ia ta nokomai o ta Teriki Iesu Kristo.

²⁴Tamari aia kotapu acoua, aia emna hepera.

²⁵Anoso mori aia iacime.

²⁶Alofa iotshi anoso ia ta soge tapu.

²⁷Avou koutucua mukei iacoua ia ta Teriki pe tatapuria tenei keitawa ia iotshi anoso tapu.

²⁸Ta karofa o tshote Teriki Iesu Kristo konofo ia acoua iotshi. Amen.