Read Futuna-Aniwa FAKARUA THISALONAIKA, 1 Bible Online

FAKARUA THISALONAIKA, 1 - Futuna-Aniwa bible

FAKARUA THISALONAIKA, 1

¹PAULO ma selvanus ma Temotheius ia ta kalasia o tagata o Thisalonaika ia Atua tshote Mana ma ta Teriki Iesu Kristo.

²Karofa iacoua, ma merino, ia Atua ta Mana ma ta Teriki Iesu Kristo.

³Acime nifousia keithank Atua nopoge ma nopoge ia acoua, anoso hepe tenei erefia ianei niaua fakarogrogo somo sore kagi, ma ta acitiafakarafia o acoua iotshi tasi ia tasi foci kosore.

⁴Hepe ma acime kabisa sore ia acoua ia ta Akalasia o Atua, ia niaua merino ma fakarogrogo ia iotshi niaua nisewa, ma ia iotshi ane iauiai niaua aroto, ia acre arotoua merino.

⁵Anera kofakairo ta totonu ioria o Atua, pe mentua acoua penpena erefia ia tavaka o Atua, ma ia aia acre sewa acoua.

⁶Nokoucitia pe aia ko erefia ia Atua keioria aroto mai iacre niiauiai arotoua.

⁷Ma ia acoua arotoua komy merino ia acime, ia ta nopoge ta Teriki Iesu kamai ia taragi ia tshana sore tomatua agelo.

⁸Ia tiafi nokoura keiioria acre sekeiro Atua, ma serogona keimaganerefia ia tafasao erefia o tshote Teriki Iesu Kristo.

⁹Kaioria acre isa atou ma tou ia takaroiai papai ia ta foimata o ta Teriki, ma papai ia ta sore noneate o tshana tomatua.

¹⁰Ia taha nopoge aia kamai ia sore noneate ia niana tagata, ma keikabisa ia aia ia acreiotshi pe fakarogrogo ia aia (ianei tshote nifakairo iacoua nifakarogrogo), ia tera nopoge.

¹¹Ianenei foci acime segapu mori ia acoua, pe tshote Atua mentua acoua erefia ia tenei niaua avere, ma emna kurava iotshi erefia fenagaro o tshana erefia, ma ta vere o fakarogrogo ia tomatua;

¹²Pe ta neigo o tshote Teriki Iesu Kristo nakosore ia acoua, ma acoua ia aia, hepe ta karofa o tshote Atua, ma ta Teriki Iesu Kristo.