Read Futuna-Aniwa FAKARUA THISALONAIKA, 2 Bible Online

FAKARUA THISALONAIKA, 2 - Futuna-Aniwa bible

FAKARUA THISALONAIKA, 2

¹MELOU acime fakouia mukei acoua, anoso, ia ta nokomai o tshote Teriki Iesu Kristo, ma ia tshote fetacina iateia.

²Pe acoua setaru meloua ia fenagaroua ma arotoua my, jimra ia nokano, mo ia afasao, mo ia tatapuria o acime, hepe pe ta nopoge o Kristo ko itata.

³Erefia jimra tatane tasi karasia acoua ia anea, mo tera nopoge sekamai, mokagi faru natshicina ta mori, ma tenei tane o amaganisa kamai.

⁴Aia fiatu ma nagi iluga iotshi kotapa Atua, mo pe komori iateia, ma aia hepe Atua nokonofo ia tafare mori sore o Atua fakariace aia pe aia ko Atua.

⁵Sementua acoua, pe ia nopoge avou neinofo iacoua, avou neitucua iacoua ane iotshira?

⁶Kaia melou acoua keiro taha neitucuasana pe aia kamata ia tshana nopoge.

⁷Ma ta ane mune o isa ko vere melou; kaia aia neitucuasana, ia taha nopoge keiamke aia.

⁸Ma ia tera nopoge aia ta Isa kacitia, aia ta Teriki katugiace ia ta nokano o tshana rogoutu, ma kaiauiai ia ta merama o tshana nokomai;

⁹Aia ia tshana nokomai ko wamuri ta vere o Satano ia iotshi tomatua ma anea keicitia ma ia nokorefu anea masaro.

¹⁰Ma ia iotshi karasia o maganisa ia acre takaroiai; ianenei acre seamo ta acitiafakarafia o ta mari, pe nakapare acre ia anea mouri.

¹¹Ianenei Atua kakouna iacre tomatua karasia, pe acre nakafakarogrogo ta korefu;

¹²Pe acre iotshi nakatouwaki ia tiafi sore, pe acre sefakarogrogo ta mari, kaia nibisa ia amagane safi.

¹³Kaia acime nifousia segapu keitufwa athank ma acoua ia Atua, anoso nakacitiafakarafia o ta Teriki, ianenei Atua ia ta neikamata nakeiremu acoua ia anea mouri, ia nokopenpena erefia o ta Nokano Tapu ma fakarogrogo o ta mari.

¹⁴Ia ane nei aia nitapa acoua ia tshome fasao erefia, keiamo ta noneata o tshote Teriki Iesu Kristo.

¹⁵Ianenei, anoso, kotu mukei, ma purutshia ta fakairo neitufwa iacoua, ia afasao, mo ia tshote tatapuria.

¹⁶Melou tshote Teriki Iesu Kristo, ma Atua tshote mana, aia nakacitiafakarafia, acitia ma nakatufwa acitia kabisa sore atou ma tou, ma nanacina erefia ia ta karofa.

¹⁷Emna arotoua kabisa, ma nagi acoua mukei ia iotshi afasao erefia ma avere.