Read Futuna-Aniwa FAKARUA THISALONAIKA, 3 Bible Online

FAKARUA THISALONAIKA, 3 - Futuna-Aniwa bible

FAKARUA THISALONAIKA, 3

¹KURAVA anoso, mori asitu acime, pe tafasao o ta Teriki nifano meloua, ma kosore, hepe aia ko ia acoua.

²Ma pe acime nakapare ia ta fakainina ma isa o fakou isa, ma iotshi fakou sefakarogrogo.

³Kaia ta Teriki ko mari, aia kanagi mukei acoua, ma kapare acoua ia anea isa iotshi.

⁴Ma acime nakamo fakarogrogo ia ta Teriki ia acoua, pe acoua emna ma kamna ta anea acime fakairo acoua.

⁵Ma ta Teriki arafia niaua aroto ia ta acitiafakarafia o Atua ma ia ta tari merino ia Kristo.

⁶Melou acime fasao mukei iacoua, anoso, ia ta neigo o tshote Teriki Iesu Kristo, pe acoua feke iotshi anoso pe aia fano ia magane safi, ma pe aia sefano wamuri ta fakairo acime neitufwa iacoua.

⁷Ma acoua keiro i taha magane erefia acoua keiroro wamuri acime; ma acime semagane safi ia acoua.

⁸Ma acime sekeina ta bret o tasi tane pe acime sefakamata aia; kaia niavere ia avere sore tupo ma tiau pe acime seamo takai o tasi o acoua;

⁹Jimra ia anera acime seamo tomatua ia ane nei, kaia keimna acime emna magane acoua neicitia ma muri acime magane hepera.

¹⁰Ma ia nopoge acime neinofo ia acoua, tenei neitucua iacoua, pe tasi o acoua natshicina avere, jimra ma aia nakeina.

¹¹Ma acime neirogona pe faru o acoua roro ia magane safi, acre severe, kaia kofori koutucua afasao nokano jimra.

¹²Ma melou acre magane hepera acime koutucua mukei ma fakairo acre ia tshote Teriki Iesu Kristo, pe ia merino acre kovere, ma keina niare akai.

¹³Kaia acoua anoso, senofo taru ia maganerefia.

¹⁴Ma pe tasi tane serogona tshome fasao ma maganerefia iateia ia tenei tatapuria, fatshigeia tatane ra, ma feke papai aia pe keimna aia koma.

¹⁵Kaia sekoutucua aia hepe tasi feimacoua ma fiatu acoua, kaia neitucuasana aia hepe tasi noso.

¹⁶Ma ta Teriki o merino tufwa acoua merino ia nopoge ma nopoge ia ane iotshi. Ta Teriki konofo ia acoua iotshi.

¹⁷Ta alofa o Paulo ia tshaku norima, aia ta fakairo ia iotshi tatapuria neiserea; hepe avou serea.

¹⁸Ta karofa o tshote Teriki Iesu Kristo konofo ia acouaiotshi. Amen.