Read Futuna-Aniwa FAKATASI TIMOTHEUS, 2 Bible Online

FAKATASI TIMOTHEUS, 2 - Futuna-Aniwa bible

FAKATASI TIMOTHEUS, 2

¹AVOU fakairo tenei, pe mokagi ane iotshi, amori nokotapa, mori nogia mukei, ma mori kabisa Atua ia tagatotshi.

²Ia fateriki, ma iotshi takou sore; pe acitia konofo erefia ma merino ia maganerefia ia Atua ma setshigo ane.

³Ma tenei koerefia ma mugaro emoa Atua tatane kapare acitia;

⁴Aia acitiafakarafia keitufwa tagatotshi anea mouri, ma keiarafia acre keiro ta mari.

⁵Ma tasi ana Atua konofo, ma tasi tatane nokomori ma nokomna aroto o Atua mugaro ia tagata, tatane Kristo Iesu;

⁶Aia neitufwa tshana anea mouri keioria maganisa o tagatotshi, keifakairo ia taha nopoge iateia.

⁷Ia avere ra aia neinage avou tasi kova tafasao erefia, ma tasi apostolo, avou koutucua ta mari ia Kristo, ma sekorefu, tasi fakairo tagata o fanua pouri ia fakarogrogo ma ta mari.

⁸Avou acitiafakarafia takou i iafanua iotshi mori tshicitshia norima koma erefia, sefakainina ma sumtacu.

⁹Hepe magane ra ma, pe fafine kataka ia umega erefia, ia afoimata koma ma amaganerefia iotshi; jimra ia fouru penpena firia, mo ia colt, mo ia aperl, mo ia umega fakamata sore su;

¹⁰Kaia ane nei erefia ia fafine nokoutucua acre maganerefia ia ta mori ia avere erefia.

¹¹Erefia fafine sefasao kaia fakarogona fasao kofakairo ma maganerefia iateia.

¹²Kaia avou neitucuasana fafine keifakairo, mo kofiatu tatane, kaia keinofo sefasao.

¹³Ma neimna Atam mokagi, ma Iva wamuri.

¹⁴Ma sekarasia Atam; kaia ta fine nikarasia ma aia nimokagi ia ta maganisa.

¹⁵Kaia kapare aia ia nokofarere nuntama, pe acre konofo mukei ia fakarogrogo, ma karofa tagata, ma maganerefia ia aroto nofo merino.