Read Futuna-Aniwa FAKATASI TIMOTHEUS, 3 Bible Online

FAKATASI TIMOTHEUS, 3 - Futuna-Aniwa bible

FAKATASI TIMOTHEUS, 3

¹TENEI ta fasao komari, Pe tatane tasi acitiafakarafia ta vere o ta misi tane fakairo ma fatshigeia ta kalasia, aia acitiafakarafia tasi vere erefia.

²Tatane misi fakairo semagane safi, ma aia nunwane o tasi inahune, fatshigeia erefia, magane totonu, erefia, keiarofa tagata akai, ma tomatua keifakairo tagata.

³Secitiafakarafia keinumea weina, sekotshi tagata, secitiafakarafia sore aneamane; kaia aroto merino, sekavaro ia afasao, ma sekeirimu anea mane tsha faruke;

⁴Tasi emna tshana fare maganerefisa, ma fakairo tshana erecriki fakarogona tshana afasao ia aroto totonu;

⁵Ma pe tatane tasi puspusi imna avere o teriki ia tshana fare, konapecua aia keiro kafatshigeia ta kalasia o Atua?

⁶Jimra tasi tatane nifakairo sisi milow ana, mo tshana roto tshicitshia ia magane palo, aia kotu ia ioria o tiapolo.

⁷Ma erefia tshanafasao erefia iacre watafa; pe aia sekoto ia afasosa o acre, ma ta natshicetshi o tiapolo.

⁸Foci erefia Atikone imna magane totonu, tshare arero sefasao erua, secitiafakarafia keinumea weina kava sore, secitiafakarafia keiremu sore amone ma anea mane.

⁹Nokopurutshia ane mukei o ta fakarogrogo ia fenagaro koma erefia.

¹⁰Ma erefia foci fatshigeia tshare magane mokagi; wamuri ra erefia acre kavere ia avere o ta tikone, pe acre semagane safi.

¹¹Erefia foci tshare inahune magane totonu sekowkata palo, sefasosa ia magane o tagata, magane totonu merino, erefisa ia ane iotshi.

¹²Erefisa Atikone ta nunwane o inahune tasi ana, nokomna tshare erecriki ma fare maganerefia totonu.

¹³Ma acre nimaganerefia ia avere o ta tikone fakamata neigo erefia iacre, ma sore tomatua ia ta fakarogrogo ia Kristo Iesu.

¹⁴Ane iotshi ra avou serea iatakoi, kamintua avou komai, iatakoi ia taha nopogi itata;

¹⁵Kaia pe avou tari palo, pe akoi keiro erefia taha komaganerefia iatakoi ia ta fare o Atua, aia ta kalasia o ta Atua mouri ta tupou ma nontafito o ta mari,

¹⁶Ma kojimra fiatu iateia, sore komagane mune o maganerefia ia Atua; Atua nifakariake ia ta konouri o tatane, neicitiafakarafia ia ta Nokano Tapu, neicitia ia agelo, nikova ia tagata o fanua pouri, nifakarogrogo ia fanua wararonei, niamo iluga ia taragi.