Read Futuna-Aniwa FAKATASI TIMOTHEUS, 4 Bible Online

FAKATASI TIMOTHEUS, 4 - Futuna-Aniwa bible

FAKATASI TIMOTHEUS, 4

¹TA Nokano Tapu fasao mukei, pe i anopoge wamuriri faru tagata karoce ta fakarogrogo, nokofakarogona anokano nokofeiva, ma afakairo o agela isa;

²Nokoutucua akorefu ia aroto erua; nakoamo tshare fenagaro mukei hepe nika ia airou eka;

³Nokoutucuasana keiarafia inahune, ma keinatshicina faru akai, akai Atua neimna erefia keiamo ia ta mori o acre nifakarogrogo ma keiro ta mari.

⁴Ma ane iotshi Atua Neimna ko erefia, ma jimra keinatshicina tasi ane keina, pe amo aia ia ta mori iateia;

⁵Ma aia neipenpena erefia ia afasao o Atua ma ia komori.

⁶Pe akoi koutucua ma imna anoso kamentua ane iotshi ra, akoi tatane kafakairo erefia o Iesu Kristo, nokomna akoi tomatua i afasao o fakarogrogo, ma ia fakairo erefia, aia akoi nakeiro.

⁷Kaia neitucuasana afasao pouri isa, ma afasao nokano jimra fafine ituai neitucua, kaia avere ia ane imna akoi tomatua ia Atua.

⁸Ma avere tsha notshino asitu fakasisi; kaia maganerefia ia Atua koerefia ia ane iotshi, nokoamo ta fasao neitucua mokagi o anea mouri milow konofo, mo o aia komai, wamuri.

⁹Tenei ta fasao komari, ma erefia, tagatotshi fakarogrogo aia.

¹⁰Ma anera acime vere ma fakarogona tshare fasosa iacime, ianenei acitia fakarogrogo ta Atua mouri, aia tatane kapare tagatotshi, ma tomatua iacre fakarogrogo.

¹¹Ane iotshi ra koutucua mukei ma fakairo.

¹²Erefia jimra tatane tasi natshicina akoi ia anera akoi atumtane; kaia akoi maganerefia keifakairo acre maganerefia o tagata fakarogrogo, i afasao, ia nokofasao ia tagata, ia karofa tagata niare ane jimra, ia nokano, ia fakarogrogo, i amaganerefia.

¹³Ia taha nopoge avou komai, segapu mana tawa tatapuria, keikova, keifakairo tafasao erefia.

¹⁴Senatshicina ane neitufwa akoi, ane ra neitufwa akoi ia afasao o aprofeta, ia nokonage iluga akoi arima o takou fakairo.

¹⁵Kamentua ia fenagaro tshou ane iotshi ra; tufwa iotshi tshou roto iacre ana; pe iacre iotshi kowcitia tshou tomatua kosore iacre.

¹⁶Fatshigeia tshou magane, ma tshou fakairo; konofo iacre; ma ia avere nei akoi kamo anea mouri iatakoi, ma iacre fakarogona akoi.