Read Futuna-Aniwa FAKATASI TIMOTHEUS, 5 Bible Online

FAKATASI TIMOTHEUS, 5 - Futuna-Aniwa bible

FAKATASI TIMOTHEUS, 5

¹SESACIRIA ta elter tatane ituai, kaia fasao fakariki aia hepe tase tamana; ma atumtane hepe anoso.

²Fafine ituai hepe anana; ma atamafine hepe akave, ia iotshi maganerefia.

³Karofa fafine konofo ana niare nunwane komate, pe acre konofo ana tamari.

⁴Kaia pe tasi fine tshana nunwane nimate konofo ana, ma tshana erecriki mo fatufugona, erefia acre mokagi karofa iateia ma ioria niare tamana ma nana; ma magane hepra koerefisa hepe Atua acitiafakarafia.

⁵Aia tafine nunwane komate ma aia konofo ana tamari, niana tagata kojimra, aia fakarogrogo Atua, ma segapu mana amori nokotapa aia tupo ma tiau.

⁶Kaia aia mouri konofo ia magane safi, aia komate i anopoge aia komouri.

⁷Ane iotshi ra tufwa iacre, pe acre semagane safe.

⁸Kaia pe tase sefatshigeia anea mane ia niana tagata, ma erefisa iacre o niana fare, aia nakovetea ta fakarogrogo, ma aia isa sore kage tagata sefakarogrogo.

⁹Jimra arafia ma tawa tasi fine nunwane komate mokagi aia neinofo wararonei atou sekste, ma aia mokagi ra ta fine o tasi ana tatane.

¹⁰Pe tagata koutucua afasao erefia o tshana avere arefia; pe aia nifotshia erecriki, pe aia arafia nifakeina tagata o fanua papai, pe aia iamosia i tavai avai tsha tagata o Iesu, pe aia neitufwa akai ia tagata komace, pe aia tomatua fano wamuri iotshi avere erefia.

¹¹Kaia atamafine pe nunwane komate ma acre konofo ana natshicina acre; ma wamuri acre katakaro kowkata foci acre natshicina Iesu, ma kamasike karafia nunwane foci;

¹²Nokoamo ioria maganisa, ianenei acre nitowaki tshare fakarogrogo mokagi.

¹³Ma foci acre amo magane taru, nokatakaro ia tafare, ma fare foci, ma jimra taru ana kaia nokoutucua afasao ma afasao foci tsha foci tagata, nokofasao anea mane isa acre koutucua.

¹⁴Ianenei avou acitiafakarafia atamafine keifakavageina masike ia takou, keifarere erecriki, vere ia tafare, ma setufwa magane safi imna aia feimacowa magane totonu keifasosa iateia.

¹⁵Ma faru milow nikuafe wamuri magane o Satana.

¹⁶Pe tatane mo tafine tasi fakarogrogo ma o tshare tagata fafine nofo ana nunwane nimate, erefia acre mokagi keitufwa acre anea, ma jimra emna ta kalasia keitufwa acre; pe aia ta kalasia tomatua keitufwa iacre nunwane komate, ma niare tagata jimra.

¹⁷Erefia aelter pe tomatua ia tshare fakairo ma avere acitiafakarafia acre sore kage iateia, ma sore kage acre kovere ia kova ma fakairo.

¹⁸Ma tafasao tapu neitucua, kanatshicina akoi fousia rogoutu o ta kurimatou pe aia kokumea watafa akorn. Ma tatane kovere erefia fakamata aia iateia.

¹⁹Ia tasi elter natshicina akoi ana fakarogona afasao ia tshana magane safi, kaia mokagi tagata erua mo toru fetacina iateia.

²⁰Acre maganisa eisaciria mokagi tagatotshi, pe faru foci ma kumtacu iateia.

²¹Avou koutucua mukei iatakoi emoa Atua, ma ta Teriki sore Iesu Kristo, ma agelo erefisa, pe akoi imna ane iotshi ra ma secitiafakarafia tasi mokagi tasi foci tagata.

²²Senage tshou norima milowa iluga tatane tasi, ma seasitu muni amaganisa o tatane tasi foci; fatshigeia pe tshou magane iotshi kototonu.

²³Wamuri nei natshicina numea tavai, kaia inumea weina sisi ia tshou nonai komai, ma ia tshou taru o amace i anopoge nalupai.

²⁴Maganisa o faru tagata neicitia mokagi, nokororo mokagi ia ta ioria; ma faru tagata niare roro wamuri acre.

²⁵Hepera ma avere erefia o faru tagata neicitia mokagi; ma maganerefia o faru pe sicitiamana, semune taha nopogi.