Read Futuna-Aniwa FAKATASI TIMOTHEUS, 6 Bible Online

FAKATASI TIMOTHEUS, 6 - Futuna-Aniwa bible

FAKATASI TIMOTHEUS, 6

¹EREFIA iotshi afitshicow nifakamata ia tagata kamentua erefia maganerefia iotshi ia niare fatoriki, pe neigo o Atua ma tshana fakairo sefasosa tapu iateia.

²Ma acre konofo ia fatoriki fakarogrogo, erefia acre sefeimacowa acre, ma acre anoso; kaia avere erefia iacre, ianenei acre magane totonu ma neicitia fakarafia, ma amo ania mouri. Ane iotshi ra fakairo ma kova.

³Pe tatane tasi fakairo afasao sece, ma secitiafakarafia afasao erefia, afasao ra o tshote Teriki sore Iesu Kristo, ma afasao fakairo maganerefia i Atua.

⁴Tshana roto konace ma puspusi ane, kaia aia kofiatu i anea fakowia ma afasao ana, amaganera nontafito o afakainina, o fiatu, o saciria, o afenagaro isa.

⁵Kofiatu isa o takou niare fenagaro isa, ma sekeiro ta mari, acre kamentua pe acre amo mone mo akai sore acre maganerefia i Atua akoi feke acre hepra.

⁶Kaia maganerefia i Atua ma arota merino koerefisa.

⁷Ma acitia seamai ane tasi ia tenei fanua wararonei, ma aia komari acitia seamo ane tasi watafa aia.

⁸Ma nokoamo akai ma umega ana erefia arotomea sekeiremu ane foci.

⁹Kaia acre kacitiafakarafia amo mone ma anea mane kotu ia magane safi isa ma tasi, ma ia nalupai ane safi ma isa, arotorea nofo mukei iacre, ma acre iouiai tagata ma kokero acre ia tafi sore.

¹⁰Ma ta acitiafakarafia o aniamane mo mone nontafito o ane isa iotshi, faru nementua sore wamuri amaganera, ma acre magane safi ia ta fakarogrogo Iesu, ma nitaro arotorea ia amy nalupai.

¹¹Kaia akoi tatana o Atua tere papai ane iotshi ra; ma fano wamuri maganerefia, maganerefia ia Atua, ia fakarogrogo, ia acitiafakarafia, ia aroto sefakainina milowa, ma ia arota merino.

¹²Fakoko ia tatowa erefia o fakarogrogo, purutshia anea mouri tou ma tou, ia anera aia nitapa akoi, ma akoi nakafasao afasao erefia mokagi tagata nalupai.

¹³Avou koutucua mukei iatakoi emoa foimata o Atua, aia imna komouri ane iotshi, ma emoa Iesu Kristo, aia mokagi Pontus Pailet nifasao erefia ia tshana afasao;

¹⁴Pe akoi purutshia mukei tenei fasao tapu ma seiauiai aia, ma magane iateia aia seneitucuasana, ia taha nopoge nokowcitia foci tshote Teriki sore Iesu Kristo:

¹⁵Aia ia tshana nopoge iateia kafakariake, aia erefisa ma tomatua sore ta Teriki erefisa, ta Teriki o fateriki iotshi, ma ta Tane sore o iotshi takou sore;

¹⁶Aia ana nakoamo semate tou ma tou, nokonofo ia ta merama, jimra tasi tatane tomatua keifano iateia, jimra tasi tatane nakacitia aia, mo tomatua kowcitia aia, iateia tufwa ta sore ma tomatua tou ma tou. Amen.

¹⁷Koutucua mukei iacre amo anea mane ia fanua wararonei, pe acre natshicina arotorea kosore, mo fakarogrogo ia anea mane senofo mukei, kaia fakarogrogo ia Atua mouri, aia kotufwa acitia ane iotshi erefia keiamo ma maganerefia iateia;

¹⁸Pe acre maganerefia, pe acre imna anea mane ia avere erefia; arotorea milowa acitiafakarafia terowiai faru o tshare anea ia tagata niare jimra, acitiafakarafia kofasao ma kositu tagata;

¹⁹Nokofakatapuria iacre nontafito tave erefia ia taha nopoge komai, pe acre mukapurutshia anea mouri tou ma tou.

²⁰Kai Timotheus, purutshia ane ra neitufwa akoi keifatshigeia, ma natshicina ana fakarogona afasao tapu isa nokano jimra, ma afasao fiatu o tagata arapakou ia anea wararonei acre korefu iateia;

²¹Faru nokoutucua hepera nakororo safe ia ta fakarogrogo. Karofa iatakoi. Amen.