Read Futuna-Aniwa TAITUS, 3 Bible Online

TAITUS, 3 - Futuna-Aniwa bible

TAITUS, 3

¹FAKAIRO acre keimentua keirogona fasao ma maganerefia ia takou sore ma fatoriki, ma maganerefia ia takou sore neinage ia ioria magane safi, ma milowa konofo tomatua ia avere iotshi erefia.

²Natshicina keifasosa ia tatane tasi, ma sekofiatu i afasao palo, kaia afasao erefia, nokofakeriake aroto merino sa ia tagatotshi.

³Ma acitia foci anopoge ra mokagi nimagane safi, serogona afasao tapu, niarasia acitia, nokovere ia amagane o aroto safi ma isa, nokomouri ia fakainina ma feimacowa, nifeimacowa acitia, ma nokofeimacowa tasi ma sece acitia.

⁴Kaia wamuri ta karofa ma acitiafakarafia o Atua tshote tatane kapare acitia ia tagata neikamata.

⁵Jimra ia avere erefia acitia nakamna, kaia hepe tshana karofa aia nipare acitia ia ta tataroa o imna aroto fou, ma ta nokopenpena o ta Nokano Tapu;

⁶Tera aia neitufwa acitia sore su ia Iesu Kristo tshote tatane kapare acitia;

⁷Pe towaki nori maganisa tshote ia tshana karofa, aia neimna acitia tshana erecriki hepe acitiafakarafia anea mouri tou ma tou.

⁸Tafasao tenei komari, ma ane iotshi ra avou acitiafakarafia akoi koutucua mukei nopoge ma nopoge tou ma tou, pe acre nakafakarogrogo ia Atua fatshigeia acre segapu ia avere erefia. Ane iotshi ra ko erefia ma imna tagata tomatua.

⁹Kaia natshicina fakarogona afasao fakowia ane pe nokano jimra, ma afasao o aneigo tamanorea, ma fiatu ia afasao, ma fiatu ia ta fasao tapu; ma acre iotshi ra nokano jimra ma seasitu.

¹⁰Pe tatane tasi nitowaki ta mori wamuri naitucuasane aia fakatasi ma fakarua, natshicina aia;

¹¹Nokeiro aia magane hepra kotafuri, ma maganisa, nokeiro tshana fenagaro koutucua aia isa.

¹²Taha nopoge avou kawna Artimas mo Taikekus iatakoi erefia akoi milowa komai iatavou ia Nikopolis; ma avou acitiafakarafia keinofo iai ia tumrama mukaligi.

¹³Arafia mai Sinas tatane fakairo nokano o ta fasao tapu, ma Apolos ia tshare aretu milowa, pe jimra ane tasi kojimra acrawa acitiafakarafia.

¹⁴Ma erefia fakairo tshote tagata foci keimna avere erefia keisitu ane erefia, pe acre kohua erefia.

¹⁵Iotshi tagata konofo iatavou karofa akoi. Karofa acre acitiafakarafia acitia ia ta fakarogrogo. Seioria magane keitufwa acowa iotshi. Amen.