Read Futuna-Aniwa FELIMON. 1 Bible Online

FELIMON. 1 - Futuna-Aniwa bible

FELIMON. 1

¹PAULO, tasi nifousia o Iesu Kristo, ma Timotheus tshote noso, ia Felimon tshote naicitiafakarafia sore, ma noso i avere,

²Ma ia tshimawa neicitiafakarafia Afea, ma Arkipus aia asitu ia tshimawa tatowa, ma ia ta kalasia ia tshou fare;

³Karofa iacowa, ma aroto merino i Atua Tamanoteia ma ta Teriki sore Iesu Kristo.

⁴Avou kabisa ia tshaku Atua, nokoutucua o akoi nopoge ma nopoge ia tshaku amori.

⁵Nokorogona o tshou acitiafakarafia ma fakarogrogo, acrawa akoi nakoamo ia ta Teriki sore Iesu, ma iotshi niana tagata erefia.

⁶Pe nokotufwa o tshou fakarogrogo imna tomatua ia avere iotshi erefia konofo ia akoi ia Kristo Iesu.

⁷Ma acime kabisa sore, ma aroto mugaro ia tshou acitiafakarafia, ianenei akoi imna aroto o tagata erefia tsha ta mori kabisa ia akoi noso.

⁸Ane ra, pe avou mukamo tomatua sore ia Kristo keitucua iatakoi imna ane iotshi erefia,

⁹Kaia aia acitiafakarafia ana avou fakowia mukei akoi, avou Paulo tatane ituai, ma milou foci nifousia avou ia tafare mukei ia Iesu Kristo.

¹⁰Avou fakowia mukei akoi ia tshaku nontariki Onesimus, aia avou nakamo i anopoge nifousia avou;

¹¹Aia i anopoge ituai isa iatakoi, kaia milou erefisa iatakoi ma iatavou;

¹²Aia avou kowna foci; ianenei akoi amo aia, hepe aia tshaku roto;

¹³Avou acitiafakarafia aia konofo iatavou, pe aia vere iatavou hepe aia tshaku roto;

¹⁴Kaia sekeiro tshou fenagaro avou natshicina; pe tshou magane iateia kojimra hepe tshou fenagaro feimacowa, kaia hepe mugaro iateia.

¹⁵Ma pe aia nifeke natshicina akoi atou ra pe akoi amo aia foci tou ma tou.

¹⁶Jimra milou hepe tasi fetshicou, kaia iluga tasi fetshicou, tasi noso neicitiafakarafia, sore iatavou, kaia sore kage iatakoi, ia ta nokonouri, ma ia ta Teriki sore?

¹⁷Ianenei pe akoi kamentua avou tasi asitu i avere, amo aia hepe avou.

¹⁸Pe aia neiresia akai, mo seioria akoi, nage tera iatavou ioria:

¹⁹Avou Paulo nakaserea tenei ia tshaku norima, avou kaioria akoi; kaia avou sekoutucua iatakoi, taha akoi seioria avou iateia, ma foci akoi.

²⁰Keini, noso, erefia avou kabisa i tshou magane ia ta Teriki sore, imna tshaku roto kabisa ia ta Teriki sore.

²¹Nokeiro akoi kafakarogona tshaku fasao, avou serea tatapuria nei iatakoi, nokeiro pe akoi kamaganerefia sore kagi tshaku fasao.

²²Kaia ia tenei penpena tasi fare iatavou, keinofo iai, ma avou fakarogrogo ia tshow amori aia katufwa avou iacowa.

²³Ipafrus karofa akoi, tshaku neli nifousia aia ma ia Kristo Iesu;

²⁴Ma Markus, Aristarkus, Timas, Lukas, tshaku aneli asitu avou i avere,

²⁵Ta karofa o tshote Teriki sore Iesu Kristo konofo ia tshou nokano. Amen.