Read Futuna-Aniwa HIBRU, 13 Bible Online

HIBRU, 13 - Futuna-Aniwa bible

HIBRU, 13

¹EREFIA acitiafakarafia anoso konofo ia acoua.

²Senegaro keitufwa akai ma ia tagata o fanua papai; ma ia anera faru nokotufwa ia agelo ma sekeiro.

³Mentua acre konofo ia afousia, hepe nifousia ia acre, ma acre nitakaroia, hepe acoua foci konofo ia ta notshino.

⁴Kovaga ko erefia ia iotshi tagata, ma erefia ta potu ekira, kaia tagata tshigo afine o faruke mo afine nofo ana Atua kaioria.

⁵Erefia niana afasao sekeremu; ma nofo merino ia anea acoua nakamo, ma aia nakatacua, avou senatshicina ma sefake akoi.

⁶Ma acitia tomatua keitucua, Ta Teriki ko asitu avou, ma avou sekumtacu taha tagata kamna iatavou.

⁷Mentua acre nakamo ta vere o teriki o acoua, acre nakafasao iacoua ta fasao o Atua; niare fakarogrogo konatu nimentua ta kurava o niare fasao.

⁸Iesu Kristo ko tasi ana neinafi, iranei, ma ntou ma tou.

⁹Seroro acoua wamuri ta fakairo o tasi ma sece acoua sekeiro, ma aia ko erefia ane pe ta roto kanofo mukei ia ta karofa; jimra ia akai keina ma, acre seneimna erefia tagata nifakairo o acre.

¹⁰Acitia nakamo ta fata, o aia itapu acre keina pe vere ia afare mori ituai.

¹¹Ma anotshino o iotshi akavari nitaia mate, ma niare toto ko amomai ia tafare mori ia tane tapu sore hepe ioria amaganisa, notshinorea neitugiace watafa ta tumrai sore.

¹²Ianenei Iesu foci, pe aia penpena erefia tagata ia tshana toto, neitshi aia mate watafa ta feipa.

¹³Erefia ianenei acitia kororo ia aia watafa ta tumrai, nokamo tshare feimacoua o aia.

¹⁴Ma ecunei acitia senakamo tasi tumrai sore nofo mukei atou ma tou, kaia acitia fatshigeia tasi keimai.

¹⁵Ianenei ia aia erefia acitia kavatu ta akavari o ogoro ia Atua segapu, tenei ko ta nohua o anokiri o tshote rogoutu nokoutfwa athank ia tsahana neigo.

¹⁶Kaia keimaganerefia ma keitufwa anea senigaro; ma ia akavari hepera Atua kabisa.

¹⁷Fakarogona ma maganerefia ia ta fakairo o acre niaua fatoriki, ma nofo iraro acre, ma acre fatshigeia erefia ma niaua nokano hepe acre katucua (ia Atua niare magane, pe acre emna aia ia kabisa, ma jimra ia aroto my tagi, ma tenei seasitu acoua.

¹⁸Mori aia ia acime; ma acime keiro ta mari fenagarome erefia, ia ane iotshi acitiafakarafia keinofo ma vere erefia.

¹⁹Kaia avou fakouia mukei acoua keimna tenei, pe avou nakatufwa iacoua meloua.

²⁰Ma melou ta Atua o merino, aia nimai foci ia acre mate tshote Teriki Iesu, ta sore tane fatshigeia asip, ia ta toto o ta rakamna morea nofo atou ma tou,

²¹Emna acoua erefia ia iotshi avere erefia keimna maganerefia hepe tshana fakairo i tsahanafasao, nokovere ia acoua ane aia kabisa iateia ia Iesu Kristo; ia aia tufwa ta sore noneate atou ma tou. Amen.

²²Kaia avou fakouia mukei acoua, anoso, keirogona ta fasao o keifakairo acoua, ma avou nakaserea tenei tatapuria iacoua ia afasao toru ana.

²³Keiro acoua pe tshote noso Timothius ko eivetea ma kounace, ia aia, pe aia komai itata avou kacitia acoua.

²⁴Alofa iotshi o acre nakamo niaua avere o fatoriki, ma iotshi tagata o Iesu. Acre o Italy alofa acoua.

²⁵Karofo konofo ia acoua iotshi. Amen.