Read Futuna-Aniwa HIBRU, 2 Bible Online

HIBRU, 2 - Futuna-Aniwa bible

HIBRU, 2

¹IANENEI erefia acitia fatshigeia keimentua mukei ta anera acitia neirogona, pe ia taha nopoge acitia feke acre.

²Ma pe ta fasao neitucua ia agelo neinofo mukei, ma iotshi iauiai ma takaroiai o aia, neiioria totonu.

³Pecua tiaha acitia feke ioria, pe acitia natshicina ta kapare ia ta sore anea mouri, aia ia ta neikamata keitucua ia ta Teriki, ma neitufwa iacime ia acre neirogona aia.

⁴Atua foci nakatufwa ane nifakairo acre tamari, ia anea sore neicitia ma ane masaro iateia, ma ia sece ma sece ane sore, ma anea neitufwa o ta Nokano Tapu. Hepe tshana fenagoro mentua?

⁵Ma aia senage iraro agelo, ta fenua keimai, o aia acitia fasao.

⁶Kaia tasi ia tasi none nifasa, neitucua. Taha ko ta tane pe akoi mentua aia? Mo ta Nontariki o tagata pe akoi karofa aia?

⁷Akoi neimna aia fakasisi iraro ta agelo; akoi kopurou aia ia ta noneate sore, ma neinagi aia iluga keifatshigeia avere o tshou arima.

⁸Akoi nakanagi ane iotshi iraro tshana vai, ma ia aia neinagi ane iotshi iraro aia, aia senatshicina ane tasi aia senagi iraro aia, kaia melou acitia secitiamana ane iotshi nagi iraro aia,

⁹Kaia acitia koucitia Iesu, aia neimna fakasisi iraro ta agelo ma ta nokomy o ta mate, nitopurou ia ta noneate ma sore, pe aia ia ta karofa o Atua nasopotshia ta mate ia tagatotshi.

¹⁰Ma erefia ia aia ane iotshi neimna, ma aia neimna aneiotshi, ia arafia nalupai anontariki ia ta sore o taragi, keimna ta Teriki o niare arafia, ia aneamouri taragi ia ta amy sore.

¹¹Kaia aia penpena erefia, ma acre neipenpena erefia ko o tasi ana, ianenei aia sekoma keitapa acre anoso.

¹²Nokoutucua avou katucua mukei tshou neigo ia tshaku anoso, ia aroto o ta kalasia avou kafeke agoro iatakoi.

¹³Ma foci, avou kanagi tshaku fakarogrogo ia aia, ma foci, koucitia avou ma ta erecriki Atua nakatufwa avou.

¹⁴Ianenei hepe ta erecriki neimna o konouri ma toto, aia ma niamo ta nosthino hepe acre, pe ia ta mate aia matakaroia aia niamo ta tomatua o ta mate, aia ko ta tevil;

¹⁵Ma kopare acre ia kumtacu ta mate ia niare atou iotshi mouri sore kumtacu.

¹⁶Ma ta mari aia seamo ta notshino o agelo, kaia aia niamo ta notshino hepe tagata o Ebraham.

¹⁷Ianenei ia ane iotshi aia ko erefia pe aia neimna hepe tshana anoso, pe aia nofo ta karofa ma ta mari tane tapu sore ia ane iotshi o Atua, keimna nomata o amaganisa iotshi o tagata.

¹⁸Ma ia anera aia nakomy sore ia ta nikeireresia, aia ko tomatua keipare ma asitu acre pe koreresia.