Read Futuna-Aniwa HIBRU, 3 Bible Online

HIBRU, 3 - Futuna-Aniwa bible

HIBRU, 3

¹IANENEI, anoso itapu, nakamo nontafa o avere o taragi, mentua ta Apostolo ma Tane Tapu Sore o tshote fakarogrogo Kristo Iesu;

²Aia nimaganerefia totonu ia aia neinagi aia, hepe Moses nimaganerefia ia iotshi tshana fare.

³Ma tenei tane nimentua erefia tufwa aia noneate sore kagi Moses, ianenei aia emna tafare ko sore kagi tafare.

⁴Ma iotshi fareko neimna ia tagata, kaia aia neimna ane iotshi ko Atua.

⁵Ma Moses tamari nimaganerefia ia iotshi tshana fare hepe tasi fetshicou, keifakairo erefia o anea iotshi keifasao wamuri.

⁶Kaia Kristo hepe ta nontariki o tshana fare, tshana fare ko acitia, pe acitia purutshia mukei ta fakarogrogo ma kabisa o ta nanacina mukei ia ta nopoge wamuri.

⁷Ianenei hepe ta Nokano Tapu koutucua, Iranei pe acoua fakarogrogo tshaka fasao,

⁸Seimna arotoua muke, hepe ia ta nopoge o nitakaroiai, ia ta nopoge o ta kaireresia ia ta tugogou;

⁹Inaia tamanouo nikaireresia avou, nekeiro avou, ma neicitia tshaku avere forte atou.

¹⁰Ianenei kurota nimy ia tagata taseatu ra, ma neitucua, acre magane safi nopoge ma nopoge ia niare aroto, ma acre sekeiro tshaku nokofakairo.

¹¹Ma avou neitucua mukei ia tshaku fakainina, Acre seroro ia tshaku kogapu.

¹²Fatshigeia anoso, pe sekonofo ia tasi o acoua ta roto isa sefakarogrogo ia feke ta Atua mouri.

¹³Kaia fakairo tasi ma sece o acoua nopoge ma nopoge, inaia aia ko tapa Iranei, pe tasi o acoua senemna mukei ia ta karasia o amaganisa.

¹⁴Ma acitia neimna keiamo o Kristo, pe acitia purutshia ta neikamata o tshote fakarogrogo ia ta nopoge wamuri;

¹⁵Aia koutucua, Iranei pe acoua fakarogona tshana fasao, seimna arotoua mukei, hepe ia ta nokosagsaga.

¹⁶Kaia faru wamuri acre neirogona, nikosaga; kaia jimra iotshi nimai watafa Icypt ia Moses.

¹⁷Kaia aia akai tshana roto nimy atou farte? Ia acre nimaganisa, ma niare anotshino nito ia ta tugogou?

¹⁸Ma ia akai aia nifasao mukei pe acre seroro ia tshana kogapu, kaia iacre sefakarogrogo?

¹⁹Ma acitia koucitia pe acre taru roro ia aia ianenei acre sefakaragrogo.