Read Futuna-Aniwa HIBRU, 5 Bible Online

HIBRU, 5 - Futuna-Aniwa bible

HIBRU, 5

¹MA iotshi tane tapu sore kasubina ia tagata, kanagi tapu ia tagata ia anea o Atua, pe aia nakavata anea tufwa, ma akavari taia mate ioria o maganisa;

²Aia keiro arafeina ma asitu acre sekeiro ma magane safi, ma aia foci taru ma amy ia ane isa.

³Ma ia anera aia kavatu takavari tsha tagata, hepe ma o aia, ta ioria o amaganisa.

⁴Ma jimra tane tasi aia ana amo tenei vere, kaia aia ana ko tapa o Atua, hepe aia nitapa Eron.

⁵Hepe ma Kristo senagi aia ana keimna tane tapu sore, kaia Ihova aia neitucua iateia, Akoi Tucutariki, iranei avou nakamo akoi.

⁶Hepe aia neitucua foci ia nontafa foci, Akoi ta tane tapu atou ma tou, wamuri ta vere o Melkisatik.

⁷Aia ia ta nopoge aia nimouri, wamuri aia nakavatu iluga amori ma nokotapa ia tomotua nokotagi ia anoreimata ia aia nitomatua keipare aia ia ta mate, ma neirogona aia ia aia kumtacu.

⁸Pe aia ta Nontariki, nifakairo aia fakarogona afasao ia anea nimy sore ia acre

⁹Ma neimna aia erefisa, aia nimai nofo keitufwa ta mouri atou ma tou ia iotshi maganerefia ia aia;

¹⁰Nitapa o Atua ta tane tapu sore wamuri ta foga o Melkisatik.

¹¹O aia acime nakamo anea nalupai keitucua, ma mukei keiro ta nokano o acre, ianenei acoua tuturi.

¹²Ma ia anopoge nalupai nifakairo acoua pe tomatua acoua fakou fakairo tagata, kaia aia ko erefia pe tasi fakairo acoua foci ta neikamata ma nokano o afasao neitufwa o Atua, ma acoua tano hepe numea tou ana, ma setomatua keina akoi.

¹³Ma iotshi tane numea tou ana ko searapakou keiro ta fasao o amagane totonu, ma aia ko tasi tamasisi.

¹⁴Kaia akai tomatua konofo ia acre kosore, ia acre ia tawa ma keirogona ma fenagarore mentua ma keiro taha erefia ma isa.