Read Futuna-Aniwa HIBRU, 6 Bible Online

HIBRU, 6 - Futuna-Aniwa bible

HIBRU, 6

¹IANENEI nokofeke ta fakairo o neikamata o fakairo o Kristo, erefia acitia kororo ia ta keiro erefia, jimra nokonagi foci ta fakairo o ta tave o tagi ma feke amaganisa o avere mate, ma o fakarogrogo ia Atua.

²O ta fakairo o abaptiso, ma o ta nokonagi o anorima, ma o ta ioria atou matou sekurava.

³Ma tenei acime kamna pe Atua acitiafakarafia.

⁴Ma aia ko mukei tshita iacre mokagi neimna merama, ma niapotshia o ta karofa neitufwa ia taragi, ma neimna acre amo o ta Nokano Tapu.

⁵Ma nasopotshia o ta karofa erefia o Atua, ma ta atomatua o ta fanua keimai.

⁶Pe acre kafeke ta mori, keiarafia acre foci keitagi maganisa ma feke aia, ianenei acre tucia ia fakaravasia iacre ta Nontariki o Atua foci, ma nagi aia hepe isa mokagi tagata.

⁷Ma ta kere konumea ta towa komai iraro ia aia, ma emna afoirakou somo ia aia akai o acre nokovere, nakamo ta karofa ia Atua.

⁸Kaia ta fanua pe tasoni ma ane taro ana somo iai ko touwaki aia, ma aia ko itata fasosa tapu iateia, tshana fakatshicega ko keitugeace.

⁹Kaia nakacitiafakarafia, acime mentua anea erefia kage o acoua, ma anea pe kamuri mouri ia taragi, pe acime fasao nei.

¹⁰Ma Atua ko jimra emna magane safia keinigaro niana avere sore o acitiafakarafia, acoua neimna ia tshana neigo, ia ane nei acoua neitufwa akai ma ia tagata o Iesu, ma melou acoua karofa iacre.

¹¹Ma acime acitiafakarafia pe iotshi o acoua nofo tomatua ia averera keipurutshia mukei ta nanacina ia ta nopoge wamuri.

¹²Pe acoua senofa taru, kaia soutari acre ia ta fakarogrogo ma merino o fenagaro niamo ta afatshipoge.

¹³Ma ia ta nopoge Atua neimna ta fatshipoge ia Ebraham, ianenei aia sefasao mukei tapu ia tasi foci sore kagi aia, aia nifasao mukei tapu ia aia.

¹⁴Nokoutucua, Tamari ia nokofasao erefia, avou fasao erefia iatakoi, ma ia nokomeraga avou kameraga akoi.

¹⁵Ma hepe, wamuri aia neinofo palo ia fenagaro merino, aia niamo ta fatshipoge.

¹⁶Ma tamari fakou fasao mukei tapu ia ta sore, ma ta fasao mukei tapu ko iacre ta kurava o iotshi fiatu.

¹⁷Ianenei Atua, acitiafakarafia keifakariaria iacre amo ta fatshipoge ta mukei tshita o tshana fasao, neimuna aia mukei ia afasao tapu.

¹⁸Pe ia irua ane mukei sefuri aia tamari Atua sekorefu, acitia nakamo ta tomatua kabisa, acitia nakafura ia ta kapare keipurutshia ta nanacina konagi emoa acitia.

¹⁹Ta nanacina ra acitia nakamo hepe ta tous o ta nokano ta mari ma mukei fano watakoro ta mega touria pofna.

²⁰Iai hepe tasi tere mokagi, Iesu nifano, ta tane tapu sore atou ma tou wamuri ta vere o Melkisatik.