Read Futuna-Aniwa JACOBUS, 1 Bible Online

JACOBUS, 1 - Futuna-Aniwa bible

JACOBUS, 1

¹JACOBUS, tasi fetshicou o Atua ma o ta Teriki Iesu Kristo ia ta twelv nuntafa o tagata nitaraw iafanua, nokarofa iacowa.

²Akuso, kamentua ane iotshi kabisa ia taha nopoge acowa koto ia sece ma sece koresia kanace ia fenagarowa;

³Nokeiro tenei, pe ta koreresiamai o tshou fakarogrogo kovere merino i arotowa.

⁴Kaia erefia arotowa merino kovere erefia, acowa keipenpena erefisa ia iotshi, sectiafakarafia ane sece.

⁵Pe tasi tatane o acowa searapakou, erefia aia mori nogia Atua iateia, pe aia kotufwa sore ia tagatotshi, ma sesaciria iateia, ma anera katufwa aia.

⁶Kaia erefia aia nogia ia fakarogrogo, jimra ane tasi ia nokotataruana; ma pe aia tataruana aia ko hepe apiau o tatai keifiakace o tumtagi, ma fatshfatshi.

⁷Ma erefia tatane ra sekamentua pe ta Teriki sore katufwa aia ane tasi.

⁸Tatane ia fenagaro erua sekonofo mukei i avere iotshi tshana.

⁹Erefia ta noso konofo iraro kabisa pe konage aia iluga;

¹⁰Kaia aia niamo anea mane nalupai, i ane ra konage aia iraro; ianenei hepe noso o tagaferi aia kafano.

¹¹Ma wamuri tara kanace milowa ia evera nokoko, kaia aia imna tagaferi komero, ma ta nose o aia koto, ma erefisa tshana kotakaroiai; hepra ma tatane nokoamo anea mane komero ia tshana amagane.

¹²Sececesa ta tane pe konofo mukei merino ia tosana setakaroiai aia; ma taha nopoge komai keioria tshana magane, aia katufwa aia ta topurou sore o anea mouri, aia ta Teriki sore koutucua mokagi aia keitufwa iacre acitiafakarafia aia.

¹³Erefia jimra tatane tasi koutucua, i ta nopoge aia kotosana, Atua kotosana avou; ma taru tosana Atua ia ane isa, ma foci aia searafia tatane tasi ia tosana.

¹⁴Kaia iotshi takou kotosana, ai nopoge tshana acitiafakarafia ane isa torotshi aia iateia, ma arafia aia iateia.

¹⁵Wamuri ta roto acitiafakarafia ane isa, aia farere ane isa, ma ane isa, wamuri imna kurava, farere ta mate.

¹⁶Natshicina magane safi, akuso neicitiafakarafia.

¹⁷Iotshi ane erefia kotufwa ma iotshi ane neipenpena erefisa kotufwa kofanifo iluga, ma fanifo ia ta Mana o amerama, ia aia sefakafiafi, ma senofo ta noata o ta furi.

¹⁸O tshana fenagaro aia niamo acitia ia ta fasao o tamari, pe acitia konofo hepe anohua mokagi o niana tagata aia neimna.

¹⁹Ianera, akuso nakacitiafakarafia, erefia iotshi takou milowa keifakarogona, kaia taru keifasao, taru keifakainena;

²⁰Ma ta fakainena o tagata sekovere ta maganerefia o Atua.

²¹Ianera, nagi papai iacowa iotshi maganisa, ma iotshi magane pouri, ma koamo ia arotowa merino ta fasao tapu fakukutshia, aia kotomatua kapare tshowa anokano.

²²Kaia erefia acowa kovere ia ta fasao tapu, ma sekovere iateia, aia hepe tatane tasi nokowcitia tshana foimata ia tasi tatshiroga;

²³Ma pe tatane tasi kofakarogona tafasao tapu, ma sekovere iateia, aia hepe tatane tasi nokowcitia tshana foimata ia tasi tatshiroga;

²⁴Ma aia kowcitia tshana foimata, ma fano tshana retu, ma milowa aia nigaro taha tshana foimata hepra.

²⁵Kaia pe takou kowcitia ia afasao tapu erefisa o eivetea, ma konofo mukei iateia, aia kojimra tasi nigaro afasao tapu aia neirogona kaia tasi kovere i avere iateia, tatane tenei kasececesa i tshana vere.

²⁶Pe tasi tatane o acowa komagane hepe aia tomatua tsha ta mori, ma sefousia tshana norero, kaia karesia tshana roto, nokano jimra tsha ta mori o tatane nei.

²⁷Amori koma ma erefisa emoa Atua ma ta Mana kotenei, keiroro kowcitia ma asitu erecriki ta mana ma nana niare komate ma afine niare nunwane komate ma arotorea amai ma tagi iateia, ma keinofo papai ma koma ia amagane o fanua wararonei.