Read Futuna-Aniwa JACOBUS, 4 Bible Online

JACOBUS, 4 - Futuna-Aniwa bible

JACOBUS, 4

¹KONAPECUA aha nontafito o tatowa ma afiatu tshowa? acre koromai mo, o tshowa ane isa acowa acitiafakarafia, ma acre kofiatu ia anontafa iotshi ia notshinowa?

²Acowa kogavivi, ma seamo; acowa kotshi komate, ma acitiafakarafia sore keiamo, ma taru amo; acowa fiatu ma tatowa, kaia acowa seamo, ianenei acowa senogia.

³Acowa nogia, ma aia setufwa iacowa, ianenei acowa nogia safi isa, pe acowa fakamata anea mane acowa kotamusa iateia.

⁴Acowa takou tshigo fafine tsha faruke, ma acowa fafine tshigo takou tsha faruke, sekeiro acowa pe acitiafakarafia o fanua wararonei kofeimacowa Atua? tatane ma acitiafakarafia aia nele o fanua wararonei aia kofeimacowa Atua.

⁵Kamentua acowa, pe tatapuria tapu koutucua ana, ta nokano konofo ia acitia kotamusa ia aroto ia feimacowa?

⁶Kaia aia kotufwa karofa sorekagi; ianenei aia koutucua, Atua neitucuasana tagata arotorea sore, kaia aia kotufwa karofa ia tagata arotorea merino ma sisi.

⁷Ianenei korogona tshan afasao ma tufwa arotowa ia Atua. Feimacowa fiatu tiapolo ma aia feke tere papai iacowa.

⁸Koromai acowa itata ia Atua, ma aia karomai itata iacowa. Fakafano erefia arimowa, acowa tagata isa; ma penpena erefia arotowa, acowa tagata ia fenagaro erua.

⁹Erefia arotowa tagi i tamy, ma makuru, ma tagi: erefia tshowa nokowkata keitafuri ia nokotagi, ma tshowa kabisa ia aroto mafa.

¹⁰Nagi iraro arotowa emoa foimata o ta Teriki sore, ma aia katshicitshiakace acowa iluga.

¹¹Sefasosa tasi o tasi foci acowa akuso. Aia kofasosa o tshana noso, ma koutucua ioria o magane o tshana noso, koutucua tafasao tapu isa, ma kofasosa ia tafasao tapu; kaia pe akoi kofasosa tafasao tapu, akoi severe hepe tafasao tapu fakairo, kaia tasi koutucua tshana ioria.

¹²Tasi ana nofo aia tufwa tafasao tapu, aia kotomatua kapare ma takaroiai: akai akoi pe koutucua ioria o tasi foci?

¹³Fakarogona milow, acowa pe koutucua, Iranei, mo arotou, acitia karoro ia tumrai sore ra, ma nofo iai tou tasi, ma fakamata aniamane niare, ma acre fakamata aneamane niome, ma koamo nomata niome:

¹⁴Kaia acowa puspusi taha komai aratou. Ma konapecua taha tshowa mouri? Aia kohepe ta kofu pe konace fakasisi, ma milowa aia kofano kojimra.

¹⁵Ma erefia pe acowa koutucua, Pe ta Teriki sore acitiafakarafia, acitia komouri, ma imna vere nei, mo tira:

¹⁶Kaia acowa milow kabisa i afasao sore o magane tshowa, iotshi nokobisa hepra ko isa.

¹⁷Ianenei ia aia keiro keimaganerefia, ma semaganerefia, ia aia maganera ko isa.