Read Futuna-Aniwa JACOBUS, 5 Bible Online

JACOBUS, 5 - Futuna-Aniwa bible

JACOBUS, 5

¹FAKAROGONA milow, acowa fakou nakoamo anea mane iacowa, tagi ma kavaro acowa ia anea mane kamai iauiai arotowa iacowa.

²Tshowa anea mane komero sa, ma tshowa umega anufe kakeina.

³Tshowa colt ma selver kotagi, ma ta tagi o acrawa katucua tshawa magane isa, ma kakeina tshowa konouri hepe tiafi. Acowa nakafakatapuria anea mane ia anopoge wamuri.

⁴Kowcitia, ta nomata o tagata nakavere ia sawa ma nifetacina akai ia tshowa avere, acowa nakapurutshia mukei ia karafia acre, nokotagi; ma ta nokotagi o acre nivere iacowa nakororo ia anontariga o ta Teriki sore o Sabeoth.

⁵Acowa nakamouri ia amagane isa ia fanua wararonei, ma nakacitiafakarafia maganisa; acowa nakafakeina arotowa, hepe i anopogi kotshi ane komate iateia.

⁶Acowa nakoutucua isa ma nakotshi komate aia nimaganerefisa; ma aia sefiatu acowa.

⁷Ianenei erefia arotowa merino, akuso, ia ta nokomai o ta Teriki sore. Kowcitia takou kavere ia fanua kotari ia taha nopoge anohua erefisa o fanua wararonei komai ma aia kotari palo ia roto merino iateia, ia taha nopoge atowa mokagi ma wamuri koto iateia.

⁸Erefia acowa foci konofo tari; arotowa konofo mukei, ma ta nokomai o ta Teriki sore nokomai itata.

⁹Sefasosa tasi ia tasi foci o acowa, akuso, pe aia sekoutucua acowa isa; kowcitia, Aia koutucua ioria kotu efuafo tafeitoca.

¹⁰Fatshigeia, akuso, acre aprofeta, acre nakafasao ia ta neigo o ta Teriki sore, ma kamagane acowa hepe acre i amagane imna aroto komai i ane takaroiai, ma i aroto merino.

¹¹Kowcitia, acitia koutucua acre erefia pe arotorea merino i ane takaroiai. Acowa nakarogona o ta merino o ta roto o Job, ma nakacitia ta ioria o ta Teriki sore; pe ta Teriki sore acitiafakariafia sore, ma niana roto kotagi iateia.

¹²Kaia sore kage ane iotshi, akuso, sefasao mukei tapu; jimra ia taragi, jimra ia fanua wararonei, jimra ia afasao mukei tapu foci, kaia erefia tshowa keini, konofo keini ana; ma tshowa jimra, jimra ana; pe acowa sekoto ia ioria o maganisa.

¹³Pe tasi o acowa ane takaroiai tshana roto, mo? erefia aia komori. Pe tasi o acowa kabisa, mo? erefia aia feke asam agoro mori.

¹⁴Pe tasi o acowa komace, mo? erefia aia kotapa aelter o ta kalasia, ma erefia acre mori Atua iateia, nokoiamosia aia ia avainiu ia ta neigo o ta Teriki sore:

¹⁵Ma ta mori o fakarogrogo kapare tagata komace, ma ta Terik sore katshicitshiakace aia; ma pe aia neimna maganisa, aia katowaki ioria tshana iateia.

¹⁶Koutucua tshowa amagane safi ma isa tasi ia tasi foci acowa, ma mori Ihova tasi ia tasi foci acowa, pe aia penpena acowa. Ta mori totonu ma tomatua o tasi tatane maganerefia aia tomatua sore.

¹⁷Elaija tasi tatane tshana roto ma magane hepe acitia, ma aia nimori mukei pe towa semai ia fanua wararonei, ma towa sekoto ia fanua wararonei atou toru ma umrama ono

¹⁸Ma aia nimori foci, ma ta taragi neitufwa towa, ma takere wararonei neitufwa tshana nohua.

¹⁹Akuso pe tasi o acowa kotafuri ia ane safi ma feke ta mari, ma tasi imna tshana roto kuafe ia maganerefia o Iesu;

²⁰Erefia aia keiro, pe aia imna tagata isa keitafuri feke tshana maganisa, ia maganerefia o Iesu, kapare tshano nokano ia ta mate, ma kamune iotshi tshana amaganisa.