Read Futuna-Aniwa FAKATASI PITRUS, 1 Bible Online

FAKATASI PITRUS, 1 - Futuna-Aniwa bible

FAKATASI PITRUS, 1

¹SAIMONA PITRUS tasi apostolo o Iesu Kristo, ia tagata aia sekeiro nitarou iai i afanua Pontius, Calatia, Kapatosia, Esia, ma Bethinia.

²Neinagi mokagi hepe ta nikeiro o Atua ta Mana, ia ta penpena o ta Nokano Tapu, ia ta maganerefia ma nokotasocina o ta toto o Iesu Kristo; karofa iacoua ma merino sore kagi.

³Irefisa ta Atua ma ta Mana o tshote Teriki Iesu Kristo, aia ia tshana karofa sore nakamo acitia foci ia ta nokomouri nanacina ia ta tshicitshiakace o Iesu Kristo ia acre mate.

⁴Ia anea mouri amo semero, ma seisa, ma pe sefano ia ta parapara. neinagi ia taragi iacoua.

⁵Nipare ia ta tomatua o Atua ia ta fakarogrogo ia ta mouri taragi keimata ia nopoge wamuri.

⁶Ia ane ra acoua kabisa sore, pe melou ia nopoge toru arotoua my ia nalupai kaireresia.

⁷Pe iarmisoso o niaua fakarogrogo, sore kage erefisa ia ta colt nisiri, pe aia iarmisoso ia ta tiafi, nakanofo ia ta kabisa ma sore noneate ia ta nakacitia o Iesu Kristo.

⁸Aia acoua secitiamana, kaia acitiafakarafia aia; ia aia pe melou acoua secitiamana, kaia aia nokofakarogrogo aia acoua kabisa ia ta bisa sefasao o aia ma kofonu o ta noneata.

⁹Nokoama ta ioria o niaua fakarogrogo, ta kapare o niaua anokano.

¹⁰O tenei kapare ia ta mouri taragi ta aprofeta nakafakouia ma nifatshigeia sore, acre nifasao o ta karofa komai iacoua.

¹¹Nokosara taha, mo taha nopoge ta nokano o Kristo neinofo ia acre nifakairo, ia nopoge aia neitucua mokagi o ta nokomai o Kristo ma o ta noneate sore pe komai wamuri.

¹²Ia acre aia neitucua, pe jimra ia acre, kaia ia acitia acre neitucua anera, melou nokoutucua iacoua ia acre pe nakova tafasao erefia iacoua ia ta Nokano Tapu nikouna iraro ia taragi; anea ra ta agelo keiremu koucitia ta nokano.

¹³Ianenei fousia mukei ta anobili o niaua fenagaro, nofo semakona, nanacina ia ta nopoge wamuri ma ta karofa pe keimai iacoua ia ta nokomai foci o Iesu Kristo;

¹⁴Hepe erecriki fakarogona afasao, ma jimra hepe niaua akeiremu ituai i anopoge acoua sekeiro erefia.

¹⁵Kaia hepe aia nakatapa acoua ko tapu, hepe ma acoua magane tapu ia iotshi afasao.

¹⁶Ianenei aia ko serea nofo acoua tapu; ma avou tapu.

¹⁷Ma pe acoua kotapa ta Mana, aia secitiafakarafia, tasi tane mokagi tasi foci, kaia ioria totonu hepe avere o tasi tane ma sece otshi, amaganerefia ia iotshi niaua nopoge icunei ia kumtacu.

¹⁸Ia anera acoua keiro ta ioria o niaua maganisa jimra ia ane nagimana meru, hepe selver ma colt, keifeke niaua afasao nokano jimra neitufwa acoua ia tamanoua.

¹⁹Kaia ia ta toto erefisa o Kristo, hepe o tasi tama sip erefisa semaci sepaku;

²⁰Aia tamari neinagi mokagi ta tave o iafanua wararonei, kaia neicitia ia anopoge nei wamuri iacoua.

²¹Acoua ia aia fakarogrogo ia Atua neitshicitshiakace aia ia tagata nimate, ma neitufwa aia noneate; pe niaua fakarogrogo ma nanacina nakanofo ia Atua.

²²Nokoucitia acoua nakapenpena niaua anokano ia maganerefia ia tafasao mari ia ta nokano ia tamari acitiafakarafia o ta anoso, fatshigeia pe acoua acitiafakarafia tasi ma sece iotshi o acoua ia arotoua mari ma tomatua.

²³Nifarere foci, jimra o anofatu nagimana meru, kaia o ta semeru, ia ta fasao o Atua, aia komouri ma nofo atou ma tou.

²⁴Ma iotshi konouri ko hepe tagaferi, ma iotshi ta sore o tagata ko hepe ta nose o tagaferi. Ta tagaferi komeru ma ta nose o aia koto.

²⁵Kaia ta fasao o ta Teriki konofo atou ma tou, ma tenei ko ta fasao erefia aia ko kova iacoua.